Te bar spòrt du ch’a vag mè,
us tò sóbit e’ cafè,
ch’ i vò e’ fà un scupòun,
un tré sèt o un marafòun.
Cume prémie tót al séri,
una scàtula ad boèri,
una vòlta armidièda,
las ciud isé la sérèda.
Non per tót, zà che i birun,
i va in zir a sputanun,
tènimòdi prima ad nòta,
j la rimedia una bòta.
U jè sèimpre una sènta,
che sna chèrta da zinquènta,
la fà quèl ch’un si pò dì,
e che tótt i pò capì.
A la fèin de misfàt,
i birun tót sudisfàt,
j cór a chèša sparèd,
e un po’ tènt prèocupèd.
Per al möj, in pénsiér,
u jè un scról ad boer’,
l’è un bel pénsiérin,
sl’arzunta d’un bašin.
Un pèrò l’è stè s-cmént,
zaché in chè mumèint
u s’è artròv te lèt,
un òm s’un fè suspèt.
Isé che ló per fè pèri,
u s’è magnè i boèri,
e sna masa d’ imbaraz,
u jà dét da tòs de caz.
Lai diš la möj quèl ch’ilè,
l’è de bar du che t vè té,
u m’à dét che tci scap via,
t’am dìs dòv per curtèšja?
Ló ma léa u jà arspost bèin,
u jà dét: int e’ cašèin!
Invèci té dim piutóst,
cus che fèva quel te mi pòst?
Ivano Aurelio Muratori
ALLA MOGLIE I BOERI
Nel Bar Sport dove vado io,/ si prende subito il caffè,/ chi vuole fa uno scopone,/ un tre sette o un marafone.
Come premio tutte le sere,/ una scatola di boeri,/ una volta rimediata,/ si chiude così la serata.
Non per tutti, giacché i birri,/ vanno in giro a sputtanoni,/ tanto prima di notte,/ la rimediano una botta.
C’é sempre una santa,/ che con una carta da cinquanta,/ fa quello che non si può dire,/ e che tutti possono capire.
Alla fine del misfatto,/ i birri tutti soddisfatti,/ corrono a casa sparati,/ e un po’ tanto preoccupati.
Per le mogli, in pensiero,/ ci sono un sacco di boeri,/ è un bel pensierino,/ con l’aggiunta di un bacino.
Uno però è stato scottato,/ giacchè in quel momento,/ si è ritrovato nel letto,/ un uomo con fare sospetto.
Così lui per far pari,/ si è mangiato i boèri,/ e con molto imbarazzo,/ gli ha detto di togliersi dal cazzo.
Gli dice la moglie: quello lì,/ é del bar dove vai tu,/ mi ha detto che sei scappato via,/ mi dici dove per cortesia?
Lui a lei le ha risposto bene,/ le ha detto: nel casino!/ Invece tu dimmi piuttosto,/ cosa faceva quello nel mio posto.
