La mi möj la diš isé:
ui sarà da bazilè,
i s’arduš gas e luša,
un s’capès cus ch’us bruša.
Sna per còš una patata,
la à da bulì la pgnata,
sèinza gas int i furnél,
a fém e’ fóg si giurnél.
A jò dét: a fém nun dó,
d nècèsità virtó,
ma la pgnata, se fugòun,
ai fém e’ fóg sè cartòun.
Per frèz, säta la padèla,
ai mitém una candèla,
pù azandém i lumèin,
per dè e’ fóg mi giamèin.
Per còš e’ pès sla gradèla,
a duvrém la carbunèla,
du tré stéc sa de carbòun,
ch’as fém mandè da Amazon.
As lavém t una taza,
sl’aqua chelda mo ènca giaza,
a fém e’ bagn te cadèin,
as scaldém cun e’ scaldèin.
Epù nun a tirém drét,
a mitém e’ prét té lèt,
sla brèša drèinta la sòra,
ch’la funziòuna incóra.
Se dà che d fóra e’ bufa,
azandém la nòsta stufa,
tènimòdi nun la lègna,
a la tulém in Carpegna.
La lavatrice a la stachém,
che la bughèda as la fém,
cun l’asa e la mastèla,
e sè sól par asughèla.
La m’à dét: mamamia!
a la fém la culumia,
té t ci mej di siénzièd,
ch’i per tót indurmantéd.
Sé tèšòr e grazie tènti,
andém indré per andè vènti,
intènt che i gégni is pripèra,
l’ énérgia nucléera.
Ivano Aurelio Muratori
CI PREPARANO L’ENERGIA NUCLEARE
Mia moglie dice così:/ ci sarà da preoccuparsi,/ ci riducono gas e luce,/ non si capisce cosa si brucia.
Solo per cuocere una patata,/ deve bollire la pentola,/ senza gas nei fornelli,/ facciamo il fuoco coi giornali.
Le ho detto: facciamo noi due,/ di necessità virtù,/ alla pentola sul fuocone,/ gli facciamo il fuoco col cartone.
Per friggere sotto la padella,/ ci mettiamo una candela,/ poi accendiamo i lu- mini,/ per dare il fuoco ai tegami.
Per cuocere il pesce sulla graticola,/ adoperiamo la carbonella,/ due tre stecchi col carbone,/ che ci facciam mandare da Amazon.
Ci laviamo in una tazza,/ con l’acqua calda ma anche fredda,/ facciamo il bagno nel catino,/ ci scaldiamo con lo scaldino.
E poi noi tiriamo dritto,/ mettiamo il prete nel letto,/ con la brace dentro la suora,/ che funziona ancora.
Se dà che fuori nevichi,/ accendiamo la nostra stufa,/tanto noi la legna,/ la prendiamo in Carpegna.
La lavatrice la stacchiamo,/ che il bucato ce lo facciamo,/ con l’assa e il mastello,/ e col sole per asciugarla.
Mi ha detto: mammamia!/ la facciamo l’economia,/ tu sei meglio degli scien- ziati,/ che sembrano tutti addormentati.
Si tesoro e grazie tante,/ andiamo in dietro per andare avanti,/ intanto che i geni ci preparano,/ l’energia nucleare.
