Quand ch’ò forza per camnè,
a vag in zir da par mè,
u m’à dét e’ dutór,
che a mòvse e’ fà bòn me còr.
Un gn’è da dubitè,
l’è un péć ch’a pòs fè,
tènimòdi tót e’ dé,
a pas agl’jóri dašdé.
Movme um fà ‘na masa bèin,
bèinché a vaga pianèin,
um täca fè dó tré pas,
per s-ciòj un pò d gras.
La mi möj per precauziòun,
la vò ch’a vaga sè bastòun,
a jò dét ch’an n’ò bšägn,
e che sà quèl mè am varggn.
Una ch’a cnàs la m’à dét:
t ci ardòt un dirilét,
t am fè cumpasiòun,
a strasnèt sa che bastòun.
Quand ch’agl’jò racòunt ma léa,
la s’è fata l’idéa,
ch’a vag a cór sl’amiga,
a jò dét: sè sla letìga!
L’è andèda a fnì isé,
che adès la vèin sa mè,
se bastòun l’am fa strèda,
e intènt lam tèin a bèda.
Tènt che mè a pèr un zég,
persunalmèint am ne frég,
s’lam vèd la dona ch’a cnäs,
èmenc isé lan m’arcnäs.
Ivano Aurelio Muratori
CAMMINARE FA BENE AL CUORE
Quando ho forza per camminare,/ vado in giro da solo,/ mi ha detto il dottore,/ che a muoversi fa bene al cuore.
Non c’è da dubitare,/ è un lavoretto che posso fare,/ tanto tutto il giorno,/ passo le ore seduto.
Muovermi mi fa molto bene,/ benché vada pianino,/ mi tocca fare due tre passi,/ per sciogliere un po’ di grasso.
Mia moglie per precauzione,/ vuole che vada col bastone,/ le ho detto che non ne ho bisogno,/ e che con quello io mi vergogno.
Una che conosco mi ha detto:/ sei ridotto un derelitto,/ mi fai compassione,/ a trascinarti con quel bastone.
Quando gliel’ho raccontato,/ si è fatta l’idea,/ che vado a correre con l’amica,/ le ho detto: sì con la lettiga.
È andata a finire così,/ che adesso viene con me,/ col bastone mi fa strada,/ e intanto mi tiene a bada.
Tanto che io sembro un cieco,/ personalmente me ne frego,/ se mi vede la donna che conosco,/ almeno così non mi riconosce.
