E’ dé e’ nas sl’alvèda,
epù u jè la zurnèda,
ch’la fnès sè fè dla séra,
sla nòta ch’la s’avéra.
La s’arcnas ad sicur,
la s’avia cun e’ scur,
e quand un s’véd pjó gnint,
i són jè quii ch’is sint.
La nòta me a l’aspét,
s’ jèćć ciuš meda té lèt,
quand ch’ a la sint per da bòn,
finalmèint a ciap sän.
Sa léa propie da všèin,
tla mità de mi cusèin,
lan mi diš una paròla,
lan m’arcòunta una fòla.
Um basta avéla da chènt,
che srèin a m’indurmèint,
prima ai dag la bona nòta,
pu a stém tachéd gòta a gòta.
Per fém durmì la fà léa,
la è com una marèa,
la vèin, la va, lam nèina,
fin arvè ma la matèina.
E se per chèš ò bšägn,
da perdme t un insógn,
léa lam crèa al sugistiòun,
sa tènt d’ispiraziòun.
E quand ch’u jè l’alvèda,
léa la s’n’è andèda,
a la matèina as lasém,
e a la séra a s’ arciapém.
Ivano Aurelio Muratori
BUONA NOTTE!
Il giorno comincia con l’alba,/ e poi c’è la giornata,/ che finisce sul fare della sera,/ con la notte che si avvera.
Si riconosce di sicuro,/ si avvia col buio,/ e quando non si vede più niente,/ i suoni son quelli che si sentono.
La notte io l’aspetto,/ con gli occhi chiusi dal letto,/ quando la sento davvero,/ finalmente prendo sonno.
Con lei proprio vicino,/ nella metà del mio cuscino,/ non mi dice una parola,/ non mi racconta una favola.
Mi basta averla accanto,/ che sereno mi addormento,/ prima le dò la buona notte,/ poi stiamo attaccati guancia a guancia.
Per farmi dormire ci pensa lei,/ è come una marea,/ viene, va, mi ninna,/ fin arrivare alla mattina.
E se per caso ho bisogno,/ di perdermi in un sogno,/ lei mi crea le suggestioni,/ con tanto d’ispirazione.
E quando sorge l’alba,/ lei se n’è andata,/ la mattina ci lasciamo,/ e la sera ci riprendiamo.
