Tótt i dé per precauziòun,
am cuntròl còr e prèsiòun,
ò at chèša e’ machinèt,
ch’um dà sóbit e’ vèrdèt.
S’um diš prèsiòun èlta,
a telefèn a la švèlta,
ma che gégne de dutór,
prima ch’um partèsa e’còr.
Ló um díš: tò quèst tò quèl,
perché un ti vénga un préll,
ch’ e’ véin a l’impruviša,
sa nisun ch’ u t’ aviša.
Ai dég: dutór grazie tènt,
per e’ su avèrtimèint,
adès a sò pjó tranquél,
ch’a sò ch’um véin un préll,
E però um rèsta incóra,
da cumbàt sla mi sgnóra,
ch’ la insèst perché a šmèta,
da duvrè cla machinèta.
Léa la diš ch’ e’ sfòrza e’ còr,
s’an stàg atènti a mòr,
um s’èlza la prèsiòun,
e um véin sóbti e’ s-ciupòun
Jè tótt ragiunamèint,
fat sna per fém spavèint,
la dà èria ma la bäca,
per dìm che un préll um taca.
Quèl cla diš un mi pièš miga,
an vria ch’lam purtès sfiga,
tènimòdi per adèss,
e’ machinèt al dròv listès.
Ivano Aurelio Muratori
IL CONTROLLO DELLA PRESSIONE
Tutti i giorni per precauzione,/ mi controllo cuore e pressione,/ ho in casa la macchinetta,/ che mi dà subito il verdetto.
Se mi dice pressione alta,/ telefono alla svelta,/ a quel genio del dottore,/ prima che mi parta il cuore.
Lui mi dice prendi questo, prendi quello,/ perché non ti venga un accidente,/ che viene all’improvviso,/ con nessuno che ti avvisa.
Gli dico: dottore grazie tante,/ per il suo avvertimento,/ adesso sono più tranquillo,/ che so che mi viene un accidente.
E però mi resta ancora,/ da combattere con la mia signora,/ che insiste perché smetta,/ di adoperare quella macchinetta.
Lei dice che sforza il cuore,/ se non sto attento muoio,/ mi si alza la pressione/ e mi viene subito un accidente.
Sono tutti ragionamenti,/ fatti solo per farmi spavento,/ dà aria alla bocca,/ per dirmi che un accidente mi tocca.
Quello che dice non mi piace mica,/ non vorrei che mi portasse sfiga,/ tanto per adesso,/ la macchinetta l’adopero lo stesso.
