Sicóm ch’ò ciap e’ fridór,
a sò ‘ndè de mi dutór,
ch’u m’à dè dièš fumèint,
ròba da fèin nòvzèint.
Mo sicùr qualcosa ad bòn,
miga e’ sòlit cortisòun,
che d’u ch’è pasa e’ bruša,
e ut lasa la gòla ciuša.
Mè ai faz sóra e’ furnèl,
sna pgnata d’aqua e sèl,
e quand ch’la è bulèinta,
a ti caz la tèsta drèinta.
Bèin quèrt da un sugamèn,
a fóm cumè un camèin,
a sófie e’ vapòr bulèint,
ch’um fà scapè i murghènt.
Epù a mèt un pidriòl,
sla pgnata che la bòl,
ai spalènc la bäca sóra,
e a stàg ilé un quèrt d’óra.
Quand ch’a sò dré mi fumèint,
an vòj nisun ilé da chènt,
zà che mè a dvèint cativ,
quand i täca a dì che schiv!
Jè un brènc d’ ignurènt,
i crèd ch’a magna i murghènt,
e ch’ai faza bulì tla pgnata,
per fè una marmelata.
Èltre che al curi tèrmèli,
che pu bšägna paghèli,
i fumèint sl’ aqua e sèl,
jè un rimedie naturèl.
Ivano Aurelio Muratori
I FUMENTI CON ACQUA E SALE
Siccome ho preso il raffreddore,/ sono andato dal mio dottore,/ che mi ha dato dieci suffumigi,/ roba da fine novecento.
Ma sicuro qualcosa di buono,/ mica il solito cortisone,/ che dove passa brucia e ti lascia la gola chiusa.
Io li faccio sul fornello,/ con una pentola d’acqua e sale,/ e quando è bollente,/ ci metto la testa dentro.
Ben coperto da un asciugamano,/ fumo come un camino,/ soffio il vapore bollente,/ che mi fa uscire il muco.
E poi metto un imbuto,/ sulla pentola che bolle,/ ci spalanco la bocca sopra,/ e sto lì un quarto d’ora.
Quando sono dietro ai suffumigi ,/ non voglio nessuno lì vicino,/ già che io divento cattivo,/ quando cominciano a dire che schifo!
Sono un branco di ignoranti,/ credono che mangi il muco,/ che lo faccia bollire in pentola,/ per fare una marmellata.
Altro che le cure termali,/ che poi bisogna pagarle,/ i suffumigi con acqua e sale,/ sono un rimedio naturale.
