L’ómid sunzèza e’gòb,
u n’è un magnè šnòb,
ti risturènt un gn’è,
bšägna fèsle da per sè.
Tulì un gòb imbianchèd,
e ch’un sia stè magnèd,
dai lumagòt e dai bruš,
che tal fòj j fà i buš.
E’ gòb e’ vò ès cunzèd,
drèinta al fòj e’ va plèd,
ui vó un curtèl apòsta,
per cavè i fil da la cósta.
Al cósti al vò és tajèdi,
a pèz élt un pèra ad dèdi,
ch’i va tl’aqua e’ limòun,
perché in dvèinta maròun.
Ui si dà pu una šbiuntèda,
t un tighém d’aqua salèda,
e is chèva da ilé drèinta,
prima che is faza pulèinta.
A stè punt i va in padèla,
che prima bšägna scaldèla,
sl’òglie, aj e pivarunzèin,
e pu i gòb e pumidòr fèin.
La sunzèza, òt dièš murèl,
las còš a pèrta t un padèl,
sa pòc òglie e vèin biènc,
isé e’ gras e’ vèin amènc.
I murèl béin rušulèd,
si gòb i va mis-cèd,
i sta se fóg un quèrt d’òra,
finché tót un s’insapòra.
St’òmid magnèd sla pièda,
l’è una canunèda,
ròba da lichè e’ piat,
e dì brèv ma chi u l’à fat.
Ivano Aurelio Muratori
SALSICCIA E GOBBI IN UMIDO
L’umido salsiccia e gobbi,
non è un mangiare snob,
nei ristoranti non c’è,
bisogna farselo da soli.
Prendete un gobbo imbiancato,
e che non sia stato mangiato,
dai lumacotti e dai bruchi,
che fanno i buchi nelle foglie.
Il gobbo deve essere conciato,
dentro le foglie va pelato,
ci vuole un coltello apposta,
per togliere i fili dalla costa.
Le coste vogliono essere tagliate,
a pezzi alti un paio di dita,
che vanno nell’acqua e limone,
se no diventano marrone.
Gli si dà poi una sbiontata,
in un tegame di acqua salata,
e si tolgono da lì dentro,
prima che si facciano polenta.
A questo punto vanno in padella,
che prima bisogna scaldarla,
con l’olio, aglio e peperoncino,
è poi i gobbi con pomodoro fine.
La salsiccia, otto dieci rocchi,
si cuoce a parte in un padello,
con poco olio e vino bianco,
così il grasso viene meno.
I rocchi ben rosolati,
con i gobbi vanno mischiati,
stanno sul fuoco un quarto d’ora,
finché tutto s’insaporisce.
Questo umido mangiato con la piada,
è una cannonata,
roba da leccare il piatto,
e dire bravo a chi l’ha fatto.
