L’éra un òm ad mèz’ètà,
un paréva un d’iquà,
l’éra vstid isé béin,
da sèmbrè un figurèin.
Giaca scura a dòpie pèt,
la camiša sè curpèt,
i calzun a piomb sla piga,
cume òm, ‘na gran figa!
Bèla faza, bèn pitnèd,
si cavél impumatèd,
i dèint biènc cumè e’ lat,
intènimòdi un òm béin fat.
Ènca pin ad quatrèin,
us vidéva pròpie bèin,
me póls l’arlòz d’ór,
ch’e’ pòrta sna un sgnór.
Te zardèin de Grand Hotèl,
l’éra ló che pjó bel,
prèciš ma Cary Grant,
un spètècul, un inchènt.
Ò ciamè la mi cugnèda,
apèina sèparèda,
a jò dét: dai vèin zó,
che iqué u jè da tò só!
Léa l’ariva ad vulèda,
tóta béin radanèda,
per fè véda ch’ui pièš,
lal saluta sa dó bèš.
Ló u la guèrda, ui surid
e pu ui diš ò e’ covid,
per zunta a sò ènca gay,
e léa lai diš: incóra mèj!
E pu l’è arvat e’ su amig,
ch’un gnè piašu l’intrig,
u jà dét: mo tòt de caz,
che quèst l’è e’ mi ragaz.
Mè quand ch’o vést isé,
am sò sòbti mašè,
an la vléva una scarpèda,
da la mi chèra cugnèda.
Ivano Aurelio Muratori
UGUALE A CARY GRANT
Era un uomo di mezza età,/ non sembrava uno di qua,/ era vestito così bene,/ da sembrare un figurino.
Giacca scura a doppio petto,/ la camicia col corpetto,/ i pantaloni a piombo con la piega,/ come uomo, una gran figa!
Bella faccia, ben pettinato,/ coi cappelli impomatati,/ i denti bianchi come il latte,/ in tutti i modi un uomo ben fatto.
Anche pieno di quattrini,/ si vedeva proprio bene,/ al polso l’orologio d’oro, /che porta solo un signore.
Nel giardino del Grand Hotel,/ era lui il più bello,/ preciso a Cary Grant,/ uno spettacolo, un incanto.
Ho chiamato la mia cognata,/ appena separata,/ l’è ho detto: dai vieni giù,/ che qui c’è da prender su!
Lei arriva di volata,/ tutta ben sistemata,/ per far vedere che le piace,/ lo saluta con due baci.
Lui la guarda, le sorride,/ poi le dice ho il covid,/ per giunta sono anche gay,/ e lei gli dice: ancora meglio!
E poi arriva il suo amico,/ che non ha gradito l’intrigo, /l’è ha detto: togliti dal cazzo,/ che questo è il mio ragazzo.
Io quando ho visto così,/ mi sono subito nascosto,/ non la volevo una scarpata,/ dalla mia cara cognata.
