E’ mi anvòd u m’à dmand,
ch’jà fat e’ Strónz d’Urland?
A j’ò dét sèinza pensè,
at garantès ch’an sò stè mè!
St’an gni crèd a te zur,
a pós pisè còuntra e’ mur,
mo an la faz una caghèda,
pròpie ilé impèt la strèda.
La rispòsta lan gn’è piašù,
u m’à dét: non t’é bivú?
T fè di zcurs ch’in stà in pid,
tai farè gióst per fém rid!
A stè punt a jò spieghè,
al ròbi cum ch’agl’jè andè,
u n’è dét che sia la vèrità,
a sém indré ‘d dómél an fà.
Che strónz, zèrca ad capì,
u l’avrà fat chi sa chi,
un rumèn, un umòun grand,
ch’us ciaméva forse Urland.
U l’à fat int e’ punt gióst,
a tré miglie da l’Èrc d’Augóst,
sicòm che prima un gn’éra,
l’è dvèint ‘na pietra miglièra.
Säta e’ sól ilé da tènt,
u s’è indurì com e’ zimènt,
l’è un blig gros e tònd,
ch’us véd ènca da lóng.
L’è ilé da dómél an,
t un punt du ch’un dà dan,
chi pasa se vò ul guèrda,
sèinza savè ch’ l’è d mèrda.
Ivano Aurelio Muratori
CHI HA FATTO LO STRONZO D’ORLANDO?
Mio nipote mi ha chiesto:/ chi ha fatto lo Stronzo d’ Orlando?/ Gli ho detto senza pensare,/ ti garantisco che non sono stato io!
Se non ci credi te lo giuro,/ posso pisciare contro il muro,/ ma non la faccio una cacata,/ proprio lì davanti la strada.
La risposta non gli è piaciuta,/ mi ha detto: nonno hai bevuto?/ fai dei discorsi che non stanno in piedi,/ li farai giusto per farmi ridere!
A sto punto gli ho spiegato,/ l’è cose come sono andate,/ non è detto che sia la verità,/ siamo indietro di duemila anni fa.
Quello stronzo, cerca di capire,/ l’avrà fatto chissà chi,/ un romano, un omone grande,/ che si chiamava forse Orlando.
Lo ha fatto nel punto giusto,/ a tre miglia dall’Arco d’Augusto,/ siccome che prima non c’era,/ è diventato una pietra miliare.
Sotto il sole, lì da tanto,/ si è indurito come il cemento,/ è un coso grosso e tondo,/ che si vede anche da lontano.
È lì da duemila anni,/ in un punto dove non dà danno,/ chi passa se vuole lo guarda,/ senza sapere che è di merda.
