S’un gni fós e’ chuchèl,
e’ bšägnarìa invèntel,
sèinza d ló la palèda,
la rèstaria mutilèda.
Tènimòdi st’ušèl,
a éli vèrti só te zél,
in picéda zó te mèr,
l’à de spètaculèr.
I su vul spericulèint,
i fà d’aredamèint,
cmè i quèdre te salòt,
si mènca l’è un gabiòt.
Un s capès la rašòun,
per la quèla la Regiòun,
l’è partida lènza in rèsta,
deciša da féi la fèsta.
E pu t un ènt mumèint,
fè e’ ripupulaméint.
Qualcosa la à da fè,
andèma pu avènti isé!
La Regiòun lan si spièga,
perché e’ cuchèl e’ chèga,
e dop tót las stupès,
perché ló un la pulès
S’un idéa mòlt umèna,
lal vò ciapè per la fèma,
la vò andè a guastèi e’ nid,
una ròba ch’la fà rid.
E’ cuchèl l’è bel e bòn,
e maj l’ataca l’óm,
quii ch’il fà tribulè,
i tròva caz da caghè.
E còuntra e’ pòri chuchèl,
ui sarà un cunflet mundièl,
fòrse una guèra lèmp,
che lan gni lasa schèmp.
Ivano Aurelio Muratori
POVERO GABBIANO!
Se non ci fosse il gabbiano,/ bisognerebbe inventarlo,/ senza di lui la palata,/ resterebbe mutilata.
Tanto questo uccello,/ ad ali aperte su nel cielo,/ in picchiata giù nel mare,/ ha dello spettacolare.
I suoi voli spericolanti,/ fanno da arredamento,/ come i quadri nel salotto,/ se mancano è un gabbiotto.
Non si capisce la ragione,/ per la quale la Regione,/ è partita lancia in resta,/ decisa di far loro la festa.
E poi in un altro momento,/ fare il ripopolamento./ Qualcosa deve fare,/ andiamo pure avanti così!
La Regione non si spiega,/ perché il gabbiano caghi,/ e dopo tutto si stupisce,/ perché lui non la pulisce.
Con una idea molto umana,/ lo vuol prendere per la fame,/ vuole andare a guastargli il nido,/ una roba che fa ridere.
Il gabbiano è bello e buono,/ e mai attacca l’uomo,/ quelli che lo fanno tribolare,/ trovano cazzi da cagare.
E contro il povero gabbiano,/ ci sarà un conflitto mondiale,/ forse una guerra lampo,/ che non gli lascia scampo.
