La mi möj la vò e’ chèn,
e’ Mastéin Napulètèn,
a jò dét: l’è grusléin,
prima d tòl pénsie béin.
E’ dvèinta un cagnòun,
e un gni stà se balcòun,
l’apartamèint l’è znin,
tulèma un Barbunzin!
E’ mastéin l’è sènta chèl,
at chèša un gni stà invèl,
us täca mètle te zardèin,
u n’è mej tò un Carlèin?
Quèl ch’ilé per magnè,
e’ vò zinc chèl d ròba e’ dé,
l’è gros cumè un vidèl,
us custaria cmè un burdèl.
Sa tulém un chèn vulpin,
as la cavém si crucantin,
s’un pógn ad quii ch’ilé,
e’ va ‘vènti un pèra ad dé.
E’ mastéin quand e’ chèga
u la fà èšagèrèda,
dop ad chè per coila só,
bšägna ès èmènc in dó.
L’è stè isé che léa a la fèin,
l’à dét na a e Mastéin Napulètèn,
pjó adat me nòst chèš,
l’è e’ bulldog franzèš.
A jò dét sa quèl un si sbaja,
l’è un cagnin d mèza taja,
e’ magna e e’chega e’ gióst,
sa quèl a sarèsme a pòst.
Ivano Aurelio Muratori
ABBIAMO PRESO IL BULDOG FRANCESE
Mia moglie vuole il cane,/ il mastino napoletano,/ le ho detto è grossino,/ prima di prenderlo pensaci bene.
Diventa un cagnone,/ e non ci sta sul balcone,/ l’appartamento è piccolino,/ prendiamo un Barboncino!
Il mastino è sessanta chili,/ in casa non ci sta da nessuna parte,/ ci tocca metterlo nel giardino,/ non è meglio prendere un Carlino.
Quello lì per mangiare,/ vuole cinque chili di roba al giorno,/ è grosso come un vitello,/ ci costerebbe come un bambino.
Se prendiamo un cane Volpino,/ ce la caviamo coi croccantini,/ con un pugno di quelli lì,/ va avanti un paio di giorni.
Il Mastino quando caga,/ la fa esagerata,/ dopo di che per raccoglierla,/ bisogna essere almeno in due.
È stato così che lei alla fine,/ ha detto no al Mastino Napoletano,/ più adatto al nostro caso,/ è il Bulldog Francese.
Le ho detto con quello non si sbaglia,/ è un cagnolino di mezza taglia,/ mangia e caga il giusto,/ con quello saremmo a posto.
