St’an la gita ad Pasquèta,
a la fém in biciclèta,
isé quèl che ir ém magnè,
al brušém te pidalè.
A n’andém tènt da läng,
a fém e’ sólit sumarläng,
só ma la strèda d Cuvgnèn,
mè, la möj sa dré e’ chèn.
As purtém ènca la tènda,
che ilasó a fém imbrènda,
una ròba un po’ ligèra,
gióst per nu magnè la séra.
S’un pól, pèn e salèm,
sal gl’jòsi per e’chèn,
ma tèra u jè al furmighi,
ch’agl’jarcòj tót al mulighi.
Sóra la quèrta da stuglun,
a guardém bichè i pizun,
as gudém e’ panurama,
intènt ch’a zughém a dama.
Sa dimpèt tót che bèl véda,
per fòrza ch’us vèin séda,
èm pròunta per e’ chès,
‘na bèla bòcia ad Sanzvéš.
E nun dó sla bäca sóta,
a fém prèst a béla tóta,
e quand ch’un gn’è ne pjó,
e fém fagòt e a turnèm zó.
Mo sla gata ma la strèda,
l’è tóta una sbandèda,
andém sparéd in disèša,
e tun sbrès a sém at chèša
Ivano Aurelio Muratori
LA GITA DI PASQUETTA
Quest’anno la gita di Pasquetta,/ la facciamo in bicicletta,/ così quello che ieri abbiam mangiato,/ lo bruciamo nel pedalare.
Non andiamo tanto lontano,/ facciamo il solito somaro lungo,/ su per la strada di Covignano,/ io la moglie con dietro il cane.
Ci portiamo anche la tenda, / che lassù facciam merenda,/ una cosa un po’ leggera,/ giusto per non mangiare la sera.
Con un pollo, pane e salame,/ con le ossa per il cane,/ per terra ci sono le formiche,/ che raccolgono le molliche.
Sulla coperta distesi,/ guardiamo a beccare i piccioni,/ ci godiamo il panorama,/ intanto che giochiamo a dama.
Con davanti tutto quel bel vedere,/ per forza che ci vien sete,/ abbiamo pronta per il caso,/ una bella bottiglia di sangiovese.
E noi due con la bocca asciutta,/ facciam presto a berla tutta,/ e quando non ce n’è più,/ facciam fagotto e torniamo giù.
Ma con la sbornia per la strada,/ è tutta una sbandata,/ andiamo sparati in discesa,/ e in un attimo siamo a casa.
