Avém pas un bòn Nadèl,
in pèša e sè tèimp bèl,
ém spitè Gišó tla gróta,
per la mèssa ad mézanòta.
E a mézdé si parèint strét,
a cheša mia a magnè i caplét.
Mo Madòna s’jera bón!
as n’ém fat tré piat pron.
E pu dòp l’è vnù e’ capòun,
cunèj, plit e pizòun,
ém magnè, pèt, èli, còsi,
e’ pluchè sinènt agl’jòsi.
E dop tóta cla chèrna,
ém bivù l’Amaro Averna,
e sla pènza incóra pina,
un bicér d Citrosodina.
Dop ch’avém arfiadè,
a sém mès a zughé,
a tòmbla e a pisalèt,
e èm bù du tré surbét.
Pu da tända me camèin,
ém tachè si luvèin,
sal nucioli, sè zéš,
e ‘na bòcia ad sanzvéš.
A sém stè pròpie béin,
avém fnì si mandarèin,
ch’i pulès la bäca,
da la ròba ch’la s’ataca.
Quand ém fnì u jè stè e nòn,
ch’la trat fóra e tiròun,
e la dét ció burdèll,
quest ch’iqué us täca magnèl!
Ivano Aurelio Muratori
ABBIAMO PASSATO UN BUON NATALE
Abbiamo passato un buon Natale,/ in pace e col tempo bello,/ abbiamo aspettato Gesù nella grotta,/ per la messa di mezzanotte.
E a mezzogiorno coi parenti stretti,/ a casa mia a mangiare i cappelletti./ Ma Madonna se erano buoni! / ce ne siamo fatti tré piatti per uno.
E poi dopo è venuto il cappone,/ coniglio, tacchino e piccione,/ abbiamo mangiato petto, ali e coscie,/ e piluccato anche le ossa.
E dopo tutta quella carne,/ abbiamo bevuto l’Amaro Averna,/ e con la pancia ancora piena,/ un bicchiere di Citrosodina.
Dopo che abbiamo rifiatato,/ ci siamo messi a giocare,/ a tombola e a piscialetto,/ e abbiamo bevuto due tre sorbetti.
Poi attorno al camino,/ abbiamo attaccato coi lupini,/ con le nocciole, coi ceci,/ e una bottiglia di Sangiovese.
Siamo stati proprio bene,/ abbiamo finito coi mandarini,/ che puliscono la bocca,/ dalla roba che si attacca.
Quando abbiamo finito, c’è stato il nonno,/ che ha tirato fuori il torrone,/ e ha detto: ragazzi,/ questo qui ci tocca mangiarlo!
