La bréscula la pèr,/ un zóg da ragiugnèr,/ us trata da fè i cunt/ sla sóma ad tótt i punt.
Bšagna ès sèimpre atènti,/ m’al chèrti ch’agl’jè tènti,/ e arcurdès quèli cal pasa,/ che quarènta ‘gl’ jè ‘na masa.
Préšémpie s’us cala e’ tré,/ us duvria èmènc savè,/ sl’è in bal ancóra l’as,/ o se invèci l’è zà pas.
Bšagna tnì in amèint,/ s’ jè só o zó caval e fènt,/ du tré punt jà impurtènza,/ i fà a la fèin la difèrèinza.
Us zòga sa tré chèrti,/ che tal mèni al rèsta quèrti,/ me cumpagn ui si fà sègn,/ da mašèd e sa cuntègn.
Ui si fà bäca da bèš,/ na perché l’è un che pièš,/ mo per dii, sèinza fè cias,/ che tal mèni e’ bala l’as.
Sla bäca tòrta da ‘na pèrta,/ us sègna e’ tré, bèla chèrta,/bò na da magnès e’ rè,/ mo che da l’as las fà magnè.
Se ad brésculi u s’è pin,/ us fà al ganasi da baghin,/ sèinza dèl da véda,/ sina i punt in vèin tla réda.
Se dal brésculi un gn’è udór,/ us strénz jèćć in sègn ‘d dulòr, / cume e’ raz us fà capan,/ ch’us pèrd savòun e ran.
Fnidi al chèrti us fà i cunt,/ e us cuntèggia tót i punt,/ se un u n’è ‘na bòna lènza,/ l’à zà pèrs in partèinza.
Un zugadór ch’l’è brèv,/ quand e’ zòga un bèv,/ e’ fóma s’us pò fumè,/ zà ch’u jè e’ su perché.
Al chèrti al vò e’ fóm,/ cmè e’ scur e’ vò e’ lóm,/ l’anàdra la vò e’ guaz,/ e la figa la vò e’ caz.
Ivano Aurelio Muratori
La briscola sembra,/ un gioco da ragionieri,/ si tratta di fare i conti,/ con la somma di tutti i punti.
Bisogna essere sempre attenti,/ alle carte che sono tante,/ e ricordarsi quelle che passano,/ che quaranta sono molte.
Per esempio se si cala il tre,/ si dovrebbe almeno sapere,/ se è in ballo ancora l’asso,/ o se invece è già passato.
Bisogna tenere a mente,/ se sono su o giù cavalli e fanti,/ due tre punti hanno importanza,/ alla fine fanno la differenza.
Si gioca con tre carte,/ che nelle mani restano coperte,/ al compagno si fa segno,/ di nascosto e con contegno.
Gli si fa la bocca da baci,/ non perché è uno che piace,/ ma per fargli senza far chiasso,/ che nelle mani balla l’asso.
Con la bocca torta da una parte,/si segna il tre, bella carta,/ buona di mangiarsi il re,/ ma che dall’asso si fa mangiare.
Se di briscole si è pieni,/ si fan le guance gonfie,/ senza darlo a vedere,/ se no i punti non entrano nella rete.
Se delle briscole non c’è odore,/ si stringono gli occhi in segno di dolore,/ come un uccello si fa capanno,/ che si perde sapone e ranno.
Finite le carte si fanno i conti,/e si conteggiano tutti i punti,/ se uno non è una buona lenza,/ ha già perso in partenza.
Un giocatore bravo,/ quando gioca non beve,/ fuma se si può fumare,/ giacché c’è il suo perché.
Le carte vogliono il fumo,/ come il buio vuole la luce,/ l’anatra vuole il guazzo,/ e la figa vuole il cazzo.
