Pròpie bèla la Rumagna,/ sl’Adriatic ch’u la bagna,/ sal culèini, al muntagni, al pianùri e al campagni.
La n’è pu tènta znèina,/ da Rémin a Céšèina,/ da Ravèna a Furlè,/ l’è abastènza granda isé.
Tènta dòlza stà règiòun,/ du che bat e’ sóliòun,/ sal nòti pini d’ stèli,/ si valzèr e dòni bèli.
E bèla la marèina,/ s’una sabia zala e fèina,/ e’ mèr vérd, e’ zél turchin,/ guvernèda da e’ bagnin.
La campagna pina d fiur,/ las ténz ad tènt culur,/ zal, räs, vérd e biènc,/ ch’ i produš un inchènt.
E bèla la su zèinta,/ ch’ la lavóra e la chènta,/ la manda avènti la baraca,/ sèinza dì ch’la è straca.
Tótt di gran lavuradur,/ i täca quand l’è scur,/ i šmèt quand l’è nòta,/ sèinza dii téin bòta.
Brèv i Rumagnùl,/ ch’i vò bèin ma mèj e fjùl,/ ma la ma’, ma la cumpagna,/ e ma la bèla Rumagna.
Ivano Aurelio Muratori
Proprio bella la Romagna,/ con l’Adriatico che la bagna,/ con le colline, le montagne,/ le pianure e le campagne.
Non è poi tanto piccola,/ da Rimini a Cesena,/ da Ravenna a Forlì,/ è abbastanza grande così.
Tanto dolce questa regione,/ dove batte il solleone,/ con le notti piene di stelle,/ coi valzer e donne belle.
E bella la marina,/ con una sabbia gialla e fine,/ il mare verde, il cielo turchino,/ governata dal bagnino.
La campagna piena di fiori,/ si tinge di tanti colori,/ giallo, rosso, verde e bianco,/ che producono un incanto.
E bella la sua gente,/ che lavora e canta,/ manda avanti la baracca,/ senza dire che è stanca.
Tutti dei gran lavoratori,/ cominciano quando é buio,/ smettono quando è notte,/ senza dirgli tieni botta.
Bravi i Romagnoli,/ che vogliono bene alla moglie e ai figli,/ alla mamma, alla compagna,/ e alla bella Romagna.
