Quand ch’a vag a chèša,
a prètènd da stè in pèša,
a dég ma tót zét e mosca,
e’ prim che zcär u li bósca.
Tènimòdi ‘na cicarèda,
las ciud s’una ragnèda,
dop al vòla al parulazi,
sa di rógg e bròti fazi.
Sa zcurèm ad quatrèin,
mai ch’ la fnèsa béin,
sparagnin còuntra strusiun,
is la sbròja a scapazun.
Se e’ zcórs l’è se spòrt,
ui pò scapè ènca e’ mòrt,
juvetin e milanèsta,
i šmarès sóbti la tèsta.
S’andém sla religiòun.
an sla sgavagném da bòn,
tra sèinza dio e bigòt,
las ciud a forza ad cazòt.
La pulética, mo guai!
mej ch’un si zcära mai,
se per chèš un e’favèla,
èc ch’u jè la rivultèla.
Sa zcurém ad malatì,
l’è mèi a nu stè sintì,
zà ch’jè tót guaridur,
e in gni ciapa ad sicur.
Sèinza fè tròpa bòba,
us pò zcär sna dna ròba,
de bé e de bòn magnè,
sa quil un s’ pò ragnè
Ivano Aurelio Muratori
ZITTI E MOSCA
Quando vado a casa,/ pretendo di stare in pace,/ dico a tutti zitti e mosca,/ il primo che parla le busca.
Tanto una litigata,/ si conclude con una litigata,/ dopo volano le parolacce,/ con delle urla e brutte facce.
Se parliamo di quattrini,/ mai che finisca bene,/ spilorci contro spreconi,/ se la sbrogliano a scapaccioni.
Se il discorso è sullo sport,/ ci può scappare anche il morto,/ juventini e milaniasti,/ smarriscono subito la testa.
Se andiamo con la religione,/ non ce la caviamo di sicuro,/ tra senza dio e bigotti,/ si chiuda a forza di cazzotti.
La politica, ma guai!/ meglio che non se ne parli mai,/ se per caso uno parla,/ ecco che c’è la rivoltella.
Se parliamo di malattie,/ e meglio non ascoltare,/ gicché sono tutti guaritori,/ e non ci prendono di sicuro.
Senza fare troppo chiasso,/ si può parlare solo di una cosa,/ del bere e del mangiare,/ che su quelli non si può litigare.
