U s’arcnäs la primavéra,
quand e’ cminza a fè séra,
da e’ sól ch’ un vò andè zó,
e da e’ dé che dura ad pjó.
Las véd d’ prima matéina,
da l’alvèda a maréina,
da e’ sól ch’us élza ad èst,
tótt i dé un po’ pjó prèst.
Las pò véda ma la strèda,
sla zèinta sbrazulèda,
calzun curt e pid schèlz,
adès a la fèin ad mèrz.
E las sint sóra la pèla,
ch’ las tira e las fà bèla,
e bašèda me da e’ sól,
la ciapa un po’ d culòr.
Las véd da i fiur di zardèin,
viòla, ròša, biènc, zaltèin,
la primavéra lai dà,
i culur a vuluntà.
Las sint pu da l’ udór,
dl’amandul in fiór,
de pèšg, de mél, de zaréš,
dòlz cum ch’l’è un bèš.
Las sint béin da la brèza,
quand lat fà una careza,
e sla mèna mènca giaza,
lat còr vi’ sóra la faza.
Las véd int jèćć dla zèinta,
pjó giujòša, pjó cuntèinta,
ch’la rigala gran suriš,
ma chi u n’è de stès aviš.
Las sint da e’ còr ch’e bat,
e che e’ va avènti a scat,
tènimòdi e’ prim tépór,
e’ švègia ènca l’amór.
Ivano Aurelio Muratori
SI VEDE LA PRIMAVERA!
Si può riconoscere la primavera,/ quando comincia a far sera,/ dal sole che non vuole andar giù,/ e dal giorno che dura di più.
Si vede di prima mattina,/ dalla levata a marina,/ dal sole che si alza ad èst,/ tutti i giorni un po’ più presto.
Si può vedere sulla strada,/ con la gente sbracciata,/ calzoni corti, piedi scalzi,/ adesso alla fine di marzo.
E si sente sulla pelle,/ che si tira e si fa bella, / e baciata dal sole,/ prende un po’ di colore.
Si vede dai fiori dei giardini,/ viola, rosa, bianchi, giallini,/la primavera a loro dà/ i colori a volontà.
Si sente poi dall’odore,/ del mandorlo in fiore,/ del pesco, del melo, del ciliegio,/ dolce com’é un bacio.
Si sente bene dalla brezza,/ quando ti fa una carezza,/ e con la mano meno fredda,/ ti corre via sul viso.
Si vede negli occhi della gente,/ più gioiosa, più contenta,/ che regala gran sorrisi,/ a chi non è dello stesso avviso.
Si sente dal cuore che batte,/ e che va avanti a scatti,/ tanto il primo tepore,/ sveglia anche l’amore.
