E’ guvèrne té prim dé ,
u s’è sóbti incajè,
in savéva i cumpunèint,
cmè ciamè e’ Presidèint.
E’ chèš l’à de ridècul,
jà šguilè sl’artècul,
ròba ch’la s’impéra,
in prima éléméntèra.
E in savèva cus ch’ui va,
se mettie E’ o mettie LA,
fat dla masima impurtènza,
sna dòna a la presidèinza.
La Meloni gnènca a dìl,
lan vléva che feminìl,
léa, E’ lal prèfèrés,
bon per léa e bon a savès!
Quis-ciòun d lèna cavréina,
e un tla stèsa matèina,
e’ scriv esatamèint:
“E’ Sgnór Presidèint”.
Mo e’ Sègrètèrie Gènèrèl,
l’avéva capì mèl,
l’à curèt l’erór,
e l’à tólt via e’ sgnór.
E la Meloni finalmèint,
adèss las cèma E’ Presidèint,
ch’la se scriva sla maja
sina qualcun us šbaja.
Ivano Aurelio Muratori
SI DICE: “Il PRESIDENTE”
Il governo nel primo giorno,/ si è subito incagliato,/ non sapevano i componenti,/ come chiamare il presidente.
Il caso ha del ridicolo,/ hanno scivolato sull’articolo,/ roba che s’impara,/ in prima elementare.
E non sapevano cosa ci va,/ se metterci “IL” o metterci “LA”,/ fatto della massima importanza,/ con una donna alla presidenza.
La Meloni neanche a dirlo,/ non voleva quello femminile,/ “il” lei lo preferisce,/ buon per lei e buono a sapersi!
Questione di lana caprina,/ e uno nella stessa mattina,/ scrive esattamente,/ “Il Signor Presidente”
Ma il Segretario Generale,/ aveva capito male,/ ha corretto l’errore,/ e ha tolto via il signore.
E la Meloni finalmente,/ adesso si chiama “Il Presidente”,/ che se lo scriva sulla maglia,/ che se no qualcuno sbaglia.
