Us véd la cöpia mudèrna,
quand u jè da còš la chèrna,
ló e’ stà ma la gradèla,
e léa ma la carbunèla.
Ènca quand us còš e’ pès,
us fà in pratica listès,
un e’ fà, cl’èlt e’ dirèz,
ló e’ còš aròst, léa la frèz.
E pu in tót ch’jèlt lavur,
quatre mèni al tèin dur,
lis strènz, li s’aiuta,
e lin pèrd una batuda.
Bšägna ès afiadèd,
e tót dó sincrunizèd,
un lavór a cadèina,
per mandè la cušèina.
Nun a lavurèm isé,
mè daventi, léa didrè,
mè a coš, léa la svantaja,
e a l’arciap quand ch’la sbaja.
Mo l’è sà mèz scapóz,
sa léa ch’lam dà d fròz,
che mè a ciàp capèl,
e a la las ilé ògni quèl.
Mè a sò un tip nervòš,
e an sò pjó e’ su muròš,
a sò dvèint e su marid,
e an mi faz pistè i pid.
E’ va béin sl’am vèin dré,
mo sla täca a scantunè,
l’ al sa zà quèl ch’a faz,
a ciap só e am tòg de caz.
Ivano Aurelio Muratori
UNA COPPIA MODERNA
Si vede la coppia moderna,/ quando si deve cuocer la carne,/ lui sta alla graticola,/ e lei alla carbonella.
Anche quando si cuoce il pesce,/ si fa in pratica lo stesso,/ uno fa, l’altro dirige,/ lui cuoce arrosto, lei frigge.
E poi in tutti gli altri lavori,/ quattro mani tengono duro,/ si stringono, s’aiutano,/ e non perdono una battuta.
Bisogna essere affiatati,/ e tutti due sincronizzati,/ un lavoro a catena,/ per mandare avanti la cucina.
Noi lavoriamo così,/ io davanti e lei dietro,/ io cuocio e lei sventaglia,/ e la riprendo quando sbaglia.
Ma è abbastanza mezz’inciampo,/ con lei che mi dà fastidio,/ che io prendo cappello,/ e lascio lì ogni cosa.
Io sono un tipo nervoso,/ non son più il suo moroso,/ son diventato suo marito,/ e non mi faccio pestare i piedi.
Va bene se mi viene dietro,/ ma se comincia a scantonare,/ lo sa già quel che faccio,/ prendo su e mi tolgo dal cazzo.
