Tótt i dé a stag só prèst,
a la švélta am mèt in sèst,
am švégg s’un café fòrt,
epù a vag zó se pòrt.
A sò vistìd da curidór,
s’ na tuta zäla ór,
un britin, jucèl a spèć,
an mi sint incóra vèć!
A caval dla biciclèta,
a còr cmè una saèta,
e am sint pasè sla schina,
una brèza birichina.
A pidél sóra la pèsta,
ch’jà fat per i ciclèsta,
ch’lam cunduš ad filèda,
zó se pòrt, sla palèda.
Atravèrš e’ Pèrc dla Chèva,
du che ‘na vòlta a zughèva
sal ranòci, bòtle e pés,
amarcòrd cumè adèss.
Um pièš tènt pasè té vérd,
indóv che jèćć is dispèrd,
tra pégn, sèls, arvuri e piòpi,
e té laghèt pin ad òchi.
Pidaland, a sò cuntèint,
da pasè fra i munumèint,
säta l’Èrc d’Augóst,
in biciclèta,e che góst!
A custègg e’ pòrt canèl,
e’ trat ad tragèt pjó bèl,
cun al bérchi a l’urmègg
e ténta zèinta a pasègg.
Quand ch’ariv ma la palèda,
un täca fè ‘na pisèda,
drèinta e’ bar im la fa fè,
mo um täca tò un cafè.
A me bév disdè ad fóra,
am’arpòns una mézòra,
tl’èria matutéina,
salèda dla marèina.
La vèin da ògni pèrta,
mè a stàg a bäca vérta,
per putèla ciapè tóta,
fina a chè la n’è sóta.
Epù dop a faz du pas,
sla palèda u s’arnàs,
am pòs gudè l’avduda,
tucasèna dla saluta.
A végg tót l’Adriàtic,
dal Gabìć fin a Zèsnatic,
e didré us scórz béin,
la Carpegna e San Marein.
Quand ch’ò fat gód la vésta,
artòrne a fè e’ ciclèsta,
a m’avì vèrs chèša mia,
per scriv una puéšia
Ivano Aurelio Muratori
UN GIRO SUL PORTO
Tutti i giorni mi alzo presto,/ velocemente mi sistemo,/ mi sveglio con un caffè forte,/ e poi vado giù su porto.
Son vestito da corridore,/ con una tuta giallo oro,/ un berrettino, gli occhiali a specchio,/ non mi sento ancora vecchio!
A cavallo della bicicletta,/ corro come una saetta,/ e mi sento passare sulla schiena,/ una brezza birichina.
Pedalo sulla pista,/ che hanno fatto per i ciclisti,/ che mi conduce di filata,/ giù sul porto,/ sulla palata.
Attraverso il Parco della Cava,/ dove una volta giocavo,/ con le rane, rospi e pesci,/ mi ricordo come adesso.
Mi piace tanto passare nel verde,/ dove gli occhi si disperdono,/ tra pini, sali- ci, querce e pioppi,/ e nel laghetto pieno di oche.
Pedalando, son contento,/ di passare fra i monumenti,/ sotto l’Arco d’Augusto,/ in bicicletta e che gusto!
Costeggio il Porto Canale,/ il tratto di tragitto più bello,/ con le barche all’ormeggio,/ e tanta gente a passeggio.
Quando arrivò sulla palata,/ mi tocca fare una pisciata,/ nel bar me la fan fare,/ ma mi tocca prendere un caffè.
Me lo bevo seduto fuori,/ mi riposo una mezz’ora,/ nell’aria mattutina,/ salata della marina.
Viene da ogni parte,/ io sto a bocca aperta,/ per poterla prender tutta,/ finché non è asciutta.
E poi dopo faccio due passi,/ sulla palata si rinasce,/ mi posso godere il panorama,/ toccasana della salute.
Vedo tutto l’Adriatico,/ da Gabicce fino a Cesenatico,/ e dietro si scorgon bene,/ la Carpegna e San Marino.
Quando ho fatto goder la vista,/ ritorno a fare il ciclista,/ mi avvio verso casa mia,/ per scrivere una poesia.
