Quand ch’a sò d’umór cativ,
am vag a fè l’apèritiv,
zó in piaza int un barèt,
in du ch’i dà e’ prusèc.
I sèrvès di stuzichin,
sè salèm e sè strachin,
rènga e tän sal tartini,
e un bel piat ad patatini.
Ai só ‘ndé du tré dé fa,
quand a sò scap d’ilà,
a mumèinti a caschèva,
còlpa de vèin am géva.
U jéra un taxi ilé d’impèt,
l’éra lébér e am ne prufèt,
a dég: pòrtme sla palèda,
ch’a vòj fè ‘na pasigèda.
Läng e’ viaz l’ è suzés,
ch’ ò sintì i calzun bagnès,
a stag zét zà ch’ an pós,
dì taxesta am pés madòs.
Isé a faz finta d’gnint,
mo d’ilé a pòc a sint,
al budèli andè só e zó,
qualcosa ch’an tniva pjó.
Ai dég ma ló sa rispèt,
mè ò bšägn de gabinèt,
a réšést èlt zinc minut,
pu a la faz iqué se vlud.
Ló u m’à dét: na iqué,
se e’ dà at la faz magné,
e at faz liché e’ sèdil,
t’ an si miga te purzil!
L’à dè un’ inciudèda,
e u m’à las sla strèda,
u m’à dét sla purtièra vérta,
va a caghè d’un ènta pèrta.
Ilé da près u jèra un fòs,
e grazie a Dio an l’ò fata adòs,
ò zurè cròša ad batèc,
ch’an vag pjó a bé e’ prusèc.
Ivano Aurelio Muratori
UN BISOGNO URGENTE IN TAXI
Quando sono di umore cattivo,/ vado a farmi un’aperitivo,/ giù in piazza in un baretto,/ dove danno il prosecco.
Servono degli stuzzichini,/ col salame e lo stracchino,/ aringa e tonno con le tartine,/ e un bel piatto di patatine.
Sono andato due tre giorni fa,/ quando sono uscito da di là,/ a momenti cadevo,/ colpa del vino mi dicevo.
C’era un taxi lì di fronte,/ era libero e me ne approfitto,/ gli dico portami sulla palata,/ che voglio fare una passeggiata.
Lungo il viaggio è successo,/ che ho sentito i pantaloni bagnarsi,/ sto zitto che non posso,/ dire tassista mi piscio addosso.
Così faccio finta di niente,/ ma di lì a poco sento,/ le budelle andar su e giù,/ con qualcosa che non tengo più.
Gli dico con rispetto,/ ho bisogno del gabinetto,/ resisto altri cinque minuti,/ e poi la faccio qui sul velluto.
Lui mi ha detto: non qui,/ se fosse te la faccio mangiare,/ e ti faccio leccare il sedile,/ non sei mica in un porcile!
Ha dato un’inchiodata,/ e mi ha lasciato sulla strada,/ mi ha detto con la portiera aperta,/ va a cacare da un’altra parte.
Lì vicino c’era un fosso,/ e grazie a Dio non l’ho fatta addosso,/ ho giurato croce di battecco,/ che non vado più a bere il prosecco.
