Mè a vòj fè ‘na dmanda:/ Rémin bèla e granda,/ bein dalòng d’ès un ghèt,/ perché l’à n’à i gabinét?
Una vòlta du tré i jéra,/ fat perfina säta tèra,/ e pu dòp i jà cavè,/us pò savè perché?
Un gn’è ch’in capèssa,/che l’òm e’ chèga e e’ pèssa,/ quand ch’l’è a spas in zità, / am vlì dì du ch’u la fà?
Che s’ e’ va te bar per un fernèt,/ e e’ dmanda de gabinèt,/ j’arspònd mèl e d brót,/ ch’l’è d’là mo l’è ti rót.
U jè i turésta, che i purét,/ in zèrca e’ Dòm mo i gabinét,/ e s’ui scapa una pisèda,/ i la fà te mèz dla strèda.
Gnasi, séndic straurdinèrie,/ l’à fat pjò de nècèsèrie,/ totavì’ per ‘na pisèda,/ u s’à d’andè só a Scurghèda.
Quèl che vèin dop ad Gnasi,/ s’ e’ vò ch’ai pèga al tasi,/ u m’à da dì, u m’à da prumèt,/ ch’e’ fà ènca i gabinét.
Sina dabòn che e’ va finì,/ che quii ch’ vò fè la pipì/ i va davènti me castèl,/ e i dròva la funtèna pr’urinèl.
Ivano Aurelio Muratori
Io voglio fare una domanda,/ Rimini bella e grande,/ ben lontana dall’essere un ghetto,/ perché non ha i gabinetti?
Una volta due tre c’erano,/ fatti perfino sotto terra,/ e poi dopo li hanno tolti/ Si può sapere perché?
Non c’è chi non capisca,/ che l’uomo caga e piscia,/ quando è a spasso in città,/ mi volete dire come fa?
Che se va in un bar per un Fernet,/ e chiede del gabinetto,/ gli rispondono male e di brutto,/ che è di là, ma è nei rotti.
Ci sono i turisti che i poveretti,/ non cercano il Duomo ma i gabinetti,/ e se scappa loro una pisciata,/ la fanno nel mezzo della strada.
Gnassi, sindaco straordinario,/ ha fatto più del necessario,/ tuttavia per una pisciata,/ si deve andare su a Torriana.
Il sindaco dopo di Gnassi,/ se vuole che gli paghi le tasse,/ mi deve dire,/ mi deve promettere,/ che fa anche i gabinetti.
Se no davvero che va a finire,/ che quelli che vogliono fare la pipì,/ vanno davanti al castello,/ e adoperano la fontana per orinale.
