La nèbia la è trèmènda,/ la cala s’jèćć cmè ‘na bènda,/ sla vésta tót’ intruvdèda,/ un si tròva pjó la strèda.
La è pez dla cataràta,/ e us va òlta rata rata,/ sa dimpèt un lanzól biènc,/ ch’e’ fà véda sèimpre mènc.
L’è cmè nudè t un vèš,/ na d’aqua mo d bumbèš,/ un gn’è pròpie gnint da fè,/ ch’un si scapa dà d’ilé.
La è pèz de fóm int jóćć,/ quand ch’ui n’è un móć,/ tan gni chév miga j zampét,/ né d’ingatùn e né da rét.
S’l’è féta ch’las taja,/ la cunfònd, la imbarbaja,/ un si sa che òs-cia fè,/ se andè vènti o d’ indré.
E pu t’ è vòja a ciamè aiut,/ ch’ it dà tót in te salut,/ ènc s’ui fós qualchèdun,/ tla nèbia u n’aiuta nisun.
Bšagna ès èmènc in dó,/ magari ènca d’ pjó,/ per tnis strét m’un braz,/se de chèš ciapès in braz.
Int la nèbia us mèrcia unid,/ e s’us va avènti a pid,/ per capì du ch’us va,/ us tasta ad qua e ‘dlà.
Ivano Aurelio Muratori
La nebbia è tremenda,/ cala su gli occhi come una benda,/ con la vista intorbidita,/ non si trova più la strada.
È peggio della cataratta,/ e si avanza piano piano,/ con davanti un lenzuolo bianco,/ che fa vedere sempre meno.
È come nuotare in un vaso,/ non d’acqua ma di bambagia,/ non c’è proprio niente da fare,/ che non si scappa da lì.
È peggio del fumo negli occhi,/ quando ce n’è un mucchio,/ non ci cavi gli zampetti,/ né in ginocchio né in piedi.
Se è fitta che si taglia,/ confonde e offusca,/ non si sa cosa fare,/ se andare avanti o indietro.
E poi hai voglia a chiamare aiuto, /che ti danno tutti nel saluto,/ anche se ci fosse qualcuno,/ nella nebbia non aiuta nessuno.
Bisogna essere almeno in due,/ magari anche di più, /per tenersi stretti a un braccio,/ se del caso prendersi in braccio.
Nella nebbia si marcia uniti,/ e se si va avanti a piedi,/ per capire dove si va,/ si tasta di qua e di là.
