Quand ch’an sò cuša fè,
a vag tl’aqua a camnè,
dré me pòrt pr ès preciš,
d’impèt la spiagia di Rimnìš.
J è in parèć che ilé dré,
i fà quèl ch’a faz mè,
tóta zèinta iqué de pòst,
che las bagna te mèr nòst.
Un’óra dòp dl’alvèda,
sl’aqua ancóra zlèda,
strimulènd lai va drèinta
e una masa las lamèinta.
E mè ch’a sò un òm,
an faz al šmègni da bòn,
mo sè frésc ò da pisè,
purtròp e’ suzèd isé.
E duvè ch’am tròv a pès,
drèinta l’aqua sóra i péss,
a dag prima un’ucèda,
perché nisun um véda.
Tótavi’ ilé da tända,
jè paréć ch’j aspèta l’ända,
e quand ch’l’ariva e’ flót,
ècc che alóra i pèsa tótt.
Un gòzle ad pés te mèr,
an crèd ch’ e’ faza mèl,
l’è amunìjaca s-cèta,
a la pèz la dišinfèta.
Mis-cèda sl’aqua d mèr,
s’na bòna pèrta ad sèl,
la fà béin ma l’artròši,
e mal vèini varicòši.
Ivano Aurelio Muratori
NELL’ACQUA A CAMMINARE!
Quando non so cosa fare,/ vado nell’acqua a camminare,/ dietro al porto per essere preciso,/ nella spiaggia dei Riminesi.
Sono molti che lì vicino,/ fanno quello che faccio io,/ tutta gente qui del posto,/ che si bagna nel mare nostro.
Un’ora dopo la levata,/ con l’acqua ancora gelata,/ rabbrividendo ci va dentro,/ e molti si lamentano.
E io che sono un uomo,/ non faccio le smanie davvero,/ ma col fresco devo pisciare,/ purtroppo succede così.
E dove mi trovo piscio,/ dentro l’acqua sopra i pesci,/ dò prima una occhiata,/ perché nessuno mi veda.
Tuttavia lì attorno,/ sono parecchi che aspettano l’onda,/ e quando arriva il flutto,/ ecco che allora pisciano tutti.
Un goccio di piscio nel mare,/ non credo che faccia male,/ è ammoniaca schietta,/ a la peggio disinfetta.
Mischiata con l’acqua di mare,/ con una buona parte di sale,/ fa bene all’artrosi e alle vene varicose.
