Un mi amig ad Spadaròl,
per ciapè un po’ d sól,
e’ vèin zó a marèina,
ógni dmènga matèina.
Ló un tò l’umbrilòun,
us caza säta e’ sóliòun,
d’inzì sè sugamèn,
benché sia un da quatrèin.
Dòp ch’l’è stè ilè,
ló e’ cminza a fumè,
us fà räs cmè un rusól,
un si ciapa isé e’ sól!
U gl’jà dét ènc e’ bagnin,
da ciapèl a rata e pianin,
da druvè l’abrunzènt,
mo ló gnint, pròpie ignurènt!
Ènc s’l’è ad campagna,
e’ sóliòun u se magna,
ló un guèrda ma nisun,
ul brustiga cmè i sardun.
U s’arduš ‘na brašòla,
se sangue che intènt ui còla,
e sla faza mèlardóta,
us la pasa pròpie bròta!
Tènimòdi un fat isé,
un si pò miga mazè,
sna che quand u s’è scòt,
e’ va só sè zèntezdót.
A jò dét pjó d’na vòlta,
te sól un u s’ arvòlta,
us dà una crèma giòsta,
e e’ dròva ènca la tèsta.
Ivano Aurelio Muratori
SOTTO IL SOLE CI VUOLE LA TESTA
Un mio amico di Spadarolo,/ per prendere un po’ di sole,/ viene giù a marina,/ ogni domenica mattina.
Lui non prende l’ombrellone,/ si mette sotto il solleone,/ steso sull’asciugamano,/ benché sia uno da quattrini.
Dopo che è stato lì,/ lui comincia a fumare,/ si fa rosso come una triglia,/ non si prende così il sole!
Glielo ha detto anche il bagnino,/ di prenderlo a rate e pianino,/ di adoperare l’abbronzante,/ ma lui niente, proprio ignorante!
Anche se è di campagna,/ il solleone se lo mangia,/ lui non guarda a nessuno,/ lo abbrustolisce come i sardoni.
Si riduce una braciola,/ col sangue che intanto gli cola,/ e con la faccia mal ridotta,/ se la passa proprio brutta!
Tanto uno fatto così,/ non si può mica ammazzare,/ solo che quando si è scottato,/ va su con il centodiciotto.
Gli ho detto più di una volta,/ nel sole uno si gira,/ si dà una crema giusta,/ e adopera anche la testa.
