Sa stè chèld nun pòri vèćć,
a magnèm zväla e’ radéćć,
sa dó quadrét ad pièda,
ch’jè sà per ‘na magnèda.
La séra dó pumidòr,
che mènc d’isé us mòr,
pjó un cucèr ad strachìn,
per nu ès né svóit né pin.
U n’è né tènt né pòc,
zà ch’un s’ pò magnè tròp,
che pu us suda e un s’fièda,
e us pò s-ciupè d vulèda
A bivém sna la birèla,
e tènt aqua minèrèla,
a sém sèimpre dré a trinchè,
che sè chèld u s’à da bé.
Gnint grapa per carità!
la mi möj lan me la dà,
a la jò sèimpre ilé dré
s’una taza ad Karkadé.
Quand e’ chèld pu l’aumèinta,
a bivém dl’aqua e mèinta,
un tamarènd o un’urzèda,
ch’i chèva béin la séda.
Per fè fròunt ma la calura,
as fém qualche spugnadura,
as sfrighém sl’aqua giaza,
cumè anadri cal sguaza.
Da du miš a fém isé:
magnè pòc s’un gran bé,
mo a dém sègn ad zédimént,
mel ad tèsta e ziramént.
A sintém l’irrequietèza,
s’una gran dibulèza,
óramaj an stém pjò in pid,
a sém fiac e tót dó stranid.
Per réšést ma la bulura,
u jè mèzi adiritura,
d murì ad depérimèint,
e fnì tna buša te camsènt.
Ivano Aurelio Muratori
CON STO CALDO FINIAMO MALE!
Con sto caldo noi poveri vecchi,/ mangiamo cipolla e radicchi,/ con due quadretti di piada,/ che bastano per una mangiata.
La sera due pomodori,/ che meno di così si muore,/più un cucchiaio di stracchino,/ per non essere né vuoti né pieni.
Non è né tanto né poco,/ già che non si può mangiare troppo,/ che poi si suda e non si rispira,/ e si può crepare di volata.
Beviamo solo acquadiccia,/ e tanta acqua minerale,/ siamo sempre dietro a trincare,/ che col caldo si deve bere.
Niente grappa per carità,/ mia moglie non me la dà,/ ce l’ho sempre lì vicino/ con una tazza di Karkadè.
Quando il caldo aumenta,/ beviamo dell’acqua e menta,/ un tamarindo, un’orzata,/ che tolgono bene la sete.
Per far fronte alla calura,/ ci facciamo qualche spugnatura,/ ci sfreghiamo con l’acqua ghiaccia,/ come anatre che sguazzano.
Da due mesi facciamo così:/ mangiar poco con un gran bere,/ ma diamo segni di cedimento,/ mal di testa e giramenti.
Sentiamo l’irrequietezza,/ e una gran debolezza,/ ormai non stiamo più in piedi,/ siamo fiacchi e tutti due straniti.
Per resistere alla bolura,/ c’è mezzo addirittura,/ di morir di deperimento,/ e di finire in una buca nel camposanto.
