Ma ch’jariva da e’ Dubaj
an gni fém magnè e’ furmaj,
fat sè lat ad camèla,
nun ai dém dla tajadèla.
Lór i magna cum ch’i pò,
tótavi’ quèla i la tò,
l’è ròba che lai ghèrba,
tènt ch’is lèca bafie e bèrba.
Pu sla pièda e saraghina,
i magna a bäca pina,
e’ vò dì ch’i gradès,
tènt la pièda quant e’pès.
Quand jè iquè ai fém véda,
Rémin cum ch’l’è néda,
cla vòlta cum ch’la éra,
quand Dubaj gnènca u j’éra.
L’è véra ch’a n’avém,
di gratazél ad zént pièn,
in cumpéns Castèl Sišmänd,
l’inchènta tót e’ mänd.
U n’è ad védre e azèr,
mo d madun regulèr,
sa drèinta al ròbi ad Felini,
ch’li n’è brustulini.
Avém la stòria da fè véda,
Pòunt, Èrc e la Palèda,
an sém miga te dèsèrt,
sal piscini a zél avèrt.
A n’avém per la strèda,
l’èria cundiziunèda,
mo quèla frèsca de mèr,
sun chè ad particulèr.
Se lungomare apèina fat,
un si pò fè un barat
sa quii ch’jè a Dubai,
pin ad zéinta e d’via vai.
Al strèdi ilà gl’jè pini,
ad Ferari e Lamborghini,
a gl’jèm mandi òlta nun,
perché iqué in li tò nisun.
Ujè un mèr d’na blèza,
mo in gnè cla bèla brèza,
ch’avém sla nòsta spiagia,
per nun una bèla bàgia.
Sa vlém zcär d’alberg bel,
nun avém e’ Grand Hotel,
zà divèrs da quii ad Dubaj,
cmè la zvóla da l’aj.
Ivano Aurelio Muratori
RIMINI NON È DUBAI!
A chi arriva dal Dubai,/ non gli facciamo mangiare il formaggio,/ fatto col latte di cammella,/ noi gli diamo la tagliatella.
Loro mangiano come possono,/ tuttavia quella la prendono,/ è roba che gli garba,/ tanto che si leccano baffi e barba.
Poi con la piada e saraghina,/ mangiano a bocca piena,/ vuol dire che gradiscono,/ tanto la piada quanto il pesce.
Quando son qui facciam veder loro,/ Rimini come è nata,/ quella volta come era,/ quando Dubai neanche c’era.
È vero che non abbiamo,/ dei grattacieli di cento piani,/ in compenso Castel Sismondo,/ incanta tutto il mondo.
Non è di vetro e acciaio,/ ma di mattoni regolari,/ con dentro le cose di Fellini,/ che non sono brustolini.
Abbiamo la storia da far vedere,/ Ponte, Arco e la Palata,/ non siamo mica nel deserto,/ con le piscine a cielo aperto.
Non abbiamo per la strada,/ l’aria condizionata,/ ma quella fresca di mare con un chè di particolare.
Con il lungomare appena fatto,/ non si può fare un baratto,/ con quelli che sono a Dubai,/ pieni di gente e di via vai.
Le strade là son piene,/ di Ferrari e Lamborghini,/ le abbiamo mandate oltre noi,/ perché qui non le prende nessuno.
C’è un mare di una bellezza,/ ma non c’è quella bella brezza,/ che abbiamo sulla nostra spiaggia,/ per noi una bella bazza.
Se vogliamo parlare di alberghi belli,/ noi abbiamo il Grand Hotel,/ già diverso da quelli di Dubai,/ come la cipolla dall’aglio.
