Rémin sa quèl ch’la j’à,/ l’è ‘na gran bèla zità,/ òz te duméla vint,/ un gn’jamènca gnint.
La s’è trata só da inzì,/ e la s’è armèsa in pì,/ dapù che l’ùt-ma guèra,/ la l’avéva mèsa a tèra,/
sal macéri da tótt i chènt,/ e si mèrt, dulur e piènt,/ da Cuvgnèn a marèina,/ l’éra tóta un’arvèina.
Mo sal mèni dla su zèinta,/ che d fórza la n’à tènta,/ la zità, a rata rata,/ cume nòva la s’è arfata.
Un mirècul per davéra,/ mèsa cum ch’la j éra,/ ènca se u j’è vlù tènt,/arfè al butèghi e i risturènt,
armèt a pòst al chèši,/ e a mèt in pid gl’impréši,/ albèrg, bar e pènsiòun,/ e a dè nòva ucupaziòun.
L’è stè fat tót per bèin,/ scòli, ašil si su zardèin,/ strèdi lèrghi e sicuri,/ i marciapid e al fugnaduri.
E’ tèatre zà bumbardèd,/ l’è stè apèina sistèmèd,/ u s’è ciuš l’utma ferida,/ e us pò véda ènca l’Aida.
Ivano Aurelio Muratori
Rimini con quello che ha,/ è una gran bella città,/ oggi nel duemilaventi,/ non le manca niente.
Si è tirata su da stesa,/ e si è rimessa in piedi,/ da che l’ultima guerra,/ l’aveva messa a terra,
con macerie da ogni parte,/ e con morti, dolori e pianti,/ da Covignano a marina,/ era tutta una rovina.
Ma con le mani della sua gente,/ che di forza ne ha tanta,/ la città, a poco a poco,/ si è rifatta come nuova.
Un miracolo per davvero,/ messa come era,/ anche se c’è voluto tanto,/ rifare le botteghe e i ristoranti,
rimettere a posto le case,/ e mettere in piedi le imprese,/ alberghi, bar e pensioni,/ e a dare nuova occupazione.
È stato fatto tutto per bene,/ scuole, asili coi suoi giardini,/ strade larghe e sicure,/ i marciapiedi e le fognature.
Il teatro già bombardato,/ è stato appena risistemato,/ si è chiusa l’ultima ferita,/ e si può vedere anche l’Aida.
