Da burdel mu mè im géva,
per Nadel e’ fà la neva,
s’is sbajèva d’una stmèna,
u la féva per la befèna.
Sgänd la télévisiòun,
u jè dal bòni previsiòun,
sl’ùtme dl’an a zdót gréd.
a sém dònca furtunèd.
A sintì an gni cridéva,
ch’a n’avèsme vù la néva,
e pu pènsandie béin,
am sò dét: l’è un dón divén!
L’è stè e’ Signór a fè stè pas,
dop ch’u jè stè l’aumèint de gas,
ló ch’l’è e’ Padrètèrne,
us dà e’ chèld ènca d’invèrne.
Quèsta sè ch’l’è pruvidèinza,
a ragiunè èmenc us cmèinza,
che s’un caldin isé,
ma quij de gas a jè puzém ilé.
Adès i tèrmo ai smurtém,
e’ sa’ e’ Signòr quand ai zandém,
cum ch’us vèd ui vò pòc,
ma quij de gas a dèi te fiòc.
Ai girém mi nòst burdèll,
gnint néva per Nadèl,
purtròp bšagna stè sèinza,
grazie ma la pruvidèinza.
Che spès cumè ch’us sà,
una mèna la t la dà,
isé quij chi fa j’aumèint,
qualche vòlta i rèsta s-cmént.
Ivano Aurelio Muratori
PRIMO DELL’ANNO CON DICIOTTO GRADI
Da bambino mi dicevano,/ per Natale fa la neve,/ se sbagliavano una settimana,/ la faceva per la Befana.
Secondo la televisione,/ ci sono delle buone previsioni,/ con l’ultimo dell’anno a venti gradi,/ siamo dunque fortunati.
A sentire non ci credevo,/ che non avremmo avuto la neve,/ e poi pensandoci bene,/ mi sono detto: è un dono divino!
È stato il Signore a fare questo passo,/ dopo che c’è stato l’aumento del gas,/ lui che è il Padre Eterno,/ ci dà il caldo anche d’inverno.
Questa sì che è provvidenza,/ a ragionare almeno si comincia,/ che con un caldino così,/ a quelli del gas glielo appoggiamo lì.
Adesso i termo li spegniamo,/ sa il Signore quando li accendiamo,/ come si vede ci vuol poco,/ a quelli del gas dargli nel fiocco.
Gli diremo ai nostri bambini,/ niente neve per Natale,/ purtroppo bisogna star senza,/ grazie alla provvidenza.
Che spesso come si sa,/ una mano te la dà,/ così quelli che fanno gli aumenti,/ qualche volta restano scottati.
