I pasadéin jè famuš,
per fè di prèns maravigliuš,
i va in tót aglj’ucasiòun,
nòzi, batéšme e cumugnòun.
Ènca a Pàsqua i va mòlt bèin,
l’è un magnè genuèin,
fat sè pèn, òvi e furmaj,
un pò ès da bòn un šbaj.
E però in si pò mèt,
se stès pièn di caplèt,
cume fè e’ paragòun,
tra un babà e un macaròun.
E’ caplèt pr e’ sapór
l’è a un livèl supèriór,
tutavi’ e’ pasadéin,
ui stà mòlt da všèin.
U jè dònca da pensè,
e dé d Pàsqua cuša fè,
e a sèrmie zà in catura,
che dècid l’è gara dura.
Nun at chèsa a sém in sèt,
quatre jè per i caplét,
e tré per i pasadéin,
avém vutè a la fèin.
St’an l’è di caplét,
st’eltr’an ém zà scrét,
ch’a fašém i pasadéin,
tót d’acòrd a la fèin.
Nun an bazilém pu tènt,
an sèm che bréc ignurènt,
che tra la paja e e’ fèin,
l’è mòrt d fèma a la fèin
Ivano Aurelio Muratori
PER PASQUA CAPPELLETTI O PASSATELLI?
I passatelli sono famosi,/ per fare dei pranzi meravigliosi,/ vanno in tutte le occasioni,/ nozze, battesimi e comunioni.
Anche a Pasqua vanno molto bene,/ è un mangiare genuino,/ fatto col pane, uova e formaggio,/ non può essere davvero un errore.
E però non si possono mettere,/ sullo stesso piano dei cappelletti,/ e come fare il paragone,/ tra un babà e un maccherone.
Il cappelletto per il sapore,/ è a un livello superiore,/ tuttavia il passatello,/ gli sta molto vicino.
C’è dunque da pensare,/ il giorno di Pasqua cosa fare!/ eravamo già in cattura,/ che decidere è gara dura.
Noi in casa siamo in sette,/ quattro sono per i cappelletti,/ e tre per i passatelli,/ abbiamo votato alla fine.
Quest’anno è dei cappelletti,/ quest’altr’anno abbiamo già scritto,/ che facciamo i passatelli,/ tutti d’accordo alla fine.
Noi non ci preoccupiamo tanto,/ non siamo quel somaro ignorante,/ che tra la paglia e il fieno,/ è morto di fame alla fine.
