L’utme dl’an cmè mòsa,
am mèt la mudanda räsa,
léa uguèl sè règipèt,
pu a s’infilèm té lèt.
E té chèš ch’i purtès bèin,
us ne pò fè un strasèin,
quand al mudandi am li chèv,
a spér che ló e’ sia brèv.
Per cminzè l’an nòv,
tènimòdi mè a pròv,
ò sna paura ch’un béca,
e ch’um faza fè cilèca.
U n’à fat una masa,
isé per ògni an che pasa,
e’ fà un po’ pjó fadiga,
sal gambi che lis piga.
Quand ch’l’è mèzanòta,
sè Prusèc a fèm la bòta,
ch’u la sènta ènca ló,
sl’avspizi da trél só.
Pu a guardém brusè e’ castèl,
sa di fóg artifiziél,
che i dà sèimpre emuziòun,
e dal vòlti l’èrèziòun.
As priparèm bèin bèin,
si sardun e sipulèin,
sal canoci, si canèl,
ch’i fà prò ènca ma quèl.
S’un ambaradam isé,
e’ vèin e’ dumelatré,
se me räs ló l’arspänd,
l’è la fèin de mänd.
Ivano Aurelio Muratori
PER L’ULTIMO DELL’ANNO MUTANDE ROSSE!
L’ultimo dell’anno come mossa,/ mi metto la mutanda rossa,/ lei uguale col reggiseno,/ poi ci infiliamo nel letto.
E nel caso che portassero bene,/ se ne possono fare tante,/ quando le mutande me le tolgo,/ spero che lui sia bravo.
Per cominciare l’anno nuovo,/ in ogni caso io provo,/ ho solo paura che non becchi,/ e che mi faccia far cilecca.
Ne ha fatte molte,/ così per ogni anno che passa,/ fa un po’ più fatica,/ con le gambe che si piegano.
Quando è mezzanotte,/ col Prosecco facciamo la botta,/ che la senta anche lui,/ con l’auspicio di tirarlo su.
Poi guardiamo bruciare il castello,/ con dei fuochi artificiali,/ che danno sempre emozione,/ e a volte l’erezione.
Ci prepariamo ben bene,/ coi sardoni e seppiolini,/ con le canocchie, coi cannelli,/ che fan prò anche a quello.
Con un ambaradam così,/ viene il duemilatre,/ se al rosso lui risponde,/ è la fine del mondo.
