E’ fumèva e’ mi pòr nòn,
una vècia Peterson,
e mè quand ch’al vidéva,
òs-cia ad pépa, ai géva!
L’avéva ilé da chènt,
la scatla d furminènt,
sè pigin fat per punzè,
sóra e’ tabac da fumè.
Ló un cumprèva e’ Latakia,
o ‘na mistura isé pursia,
us la féva da par ló,
s’un tuschèn spac in dó.
Mis-cèd in pèrti uguèli,
se tabac dal Naziunèli,
e’ surtiva un fòrt trinzèd,
s’un udór impstèd.
Pu e’ mitéva te furnèl,
du tré prèsini d quèl,
e sè furminènt ui déva,
fin che quèl us azandéva.
E’ stéva da sdè d fóra,
sna pènca sata n’arvura,
in srèina cuntemplaziòn
sia dla pépa che de fóm.
E se per chèš las šmurtèva,
non pòc u s’incazèva,
perché una vòlta smòrta,
u l’azèndèva un’ ènta vòlta.
Quand l’éra infunghèd béin,
pjó d un spazacamèin,
la mi nòna da ilé dré,
lai géva adès vat a lavè.
Ivano Aurelio Muratori
OSTA CHE PIPA!
Fumava il mio povero nonno,/ una vecchia Peterson,/ e io quando lo vedevo,/ osta che pipa, gli dicevo.
Aveva lì vicino,/ la scatola dei fiammiferi,/ col pigino fatto per spingere,/ sul tabacco da fumare.
Lui non comprava il Latakia,/ o una mistura così purchessia,/ se la faceva da solo,/ con un toscano rotto in due.
Mischiato in parti uguali,/ col tabacco delle Nazionali,/ sortiva un forte trinciato,/ con un odore impestato.
Poi metteva nel fornello,/ due tre presine di quello,/ e col fiammifero ci dava,/ fin che quello si accendeva.
Stava seduto di fuori,/ su una panca sotto un albero,/ in serena contemplazione,/ sia della pipa che del fumo.
E se per caso si spegneva,/ non poco s’incazzava,/ perché una volta spenta,/ l’accendeva un’altra volta.
Quando era affumicato bene,/ più di uno spazzacamino,/ mia nonna da lì vicino,/ gli diceva adesso vai a lavarti.
