Me baghìn il cèma pòrc,
perché l’è sèimpre spòrc,
u s’arugla té purzil,
e’ fà la poza, l’è inzivil.
Un putrà maj ès pulid,
zà che e’ fà tót da in pid,
e per zunta du che magna,
sèinza pudór e vargagna.
L’è un pò ignurènt,
e’ rógna, e’ fà i lamèint,
e’ prèla,un si dà pèša,
e’ dà còuntra ma la chèša.
E’ cuntadèin finalmèint
u l’à pòrt tl alèvamèint,
du ch’il fà magnè ‘na masa,
e jaspèta ch’u s’ingrasa.
Nunustènt la cundiziòun,
e’ baghin l’è pròpie bòn,
l’à ‘na chèrna sapurida,
ènca s’un magna la trida.
Inveci d quela e’ mangim,
mo tènimòdi e’ baghin,
e’ magna ènca di sas,
per quel ch’e’ dvèinta gras.
Ènca l’òm l’è seimpre l’òm,
u s’è magna perché l’è bon,
per la lèza ad cuntrapas,
chèrna, còdghi sa tót e’ gras.
E dòp ch’ us l’è magnè,
quand e’ stà per s-ciupè,
e’ diš: basta a sò pin,
ò magnè cmè un baghin!
Ivano Aurelio Muratori
HO MANGIATO COME UN MAIALE!
Al maiale lo chiamano porco,/ perché è sempre sporco,/ si rotola nel porcile,/ puzza è un incivile.
Non potrà mai essere pulito,/ giacchè la fa da in piedi,/ e per giunta dove mangia,/ senza pudore e vergogna.
È un po’ ignorante,/ grugnisce, si lamenta,/ si gira non si dà pace,/ e dà contro alla casa.
Il contadino finalmente,/ l’ha portato nell’allevamento,/ dove lo fanno mangiare molto,/ e aspettano che s’ingrassi.
Nonostante la condizione,/ il maiale è proprio buono,/ ha la carne saporita,/ anche se non mangia l’erba trita.
Invece di quella il mangime,/ ma tanto il maiale,/ mangia anche dei sassi,/ per quello diventa grasso.
Anche l’uomo è sempre uguale,/ se lo mangia perché è buono,/ per la leggé del contrappasso,/ carne, cotiche con tutto il grasso.
E dopo che se l’è mangiato,/ quando stà per crepare,/ dice: basta sono pieno,/ ho mangiato come un maiale!
