I turèsta ch’i vèin iqué,
in tròva e’ pèn da magnè,
mo piutóst dal bòni pièdi,
cal nurmèli e cal sfujèdi.
Ai ciapém per la gòla,
sla pièda rumagnòla,
franziš, tédésc, spagnùl
ai tratém cmè i nòst fiùl.
A dvantém sóbit amig,
e zó pièdi per castig,
du che drèinta ii mèt,
ad tót sintènt i spaghét.
Ai cavém tótt al vòj,
si caplét, raviul e sfòj,
purazi, canèl, sardun,
ai fém magnè cume nun.
Is pò dmandé quèl chi vò,
che per lór as fém in dó,
tènimòdi da d’iqué,
in va via sèinza magnè.
Aj fašém al tajadèli
epù ai insgnèm a magnèli,
e s’in sa fè i ciucun,
ai dèm ‘na mèna nun.
Si vò la chèrna ai cuntentèm,
pól, cunèi, parsót, salèm,
al custarèli ad baghin,
e ai ne dém finché jè pin.
Mi turèsta ai tratèm béin,
ai dém da bé e’ nòst vèin
e’ Sanzvéš Supèriór,
agl’ jufrèm sa tótt e’ cór.
Quand jà fnì da magnè,
ai sèrvém grapa e cafè,
s’un cichèt ad mistrà,
e un zlèd ma chi ch’ui va.
Zà che ma lór bšägna dèi,
seìmpre e’ masim e e’ mèj,
mo mèj d’isé l’è impusèbil,
per quèst a sém infalèbil.
Ivano Aurelio Muratori
AI TURISTI DIAMO IL MEGLIO!
I turisti che vengono qui,/ non trovano il pane da mangiare,/ ma piuttosto delle buone piade,/ quelle normali e quelle sfogliate.
Li prendiamo per la gola,/ con la piada romagnola,/ Francesi, Tedeschi, Spagnoli,/ li trattiamo come nostri figli.
Diventiamo subito amici,/ e giù piade per castigo,/ dove dentro ci mettono/ di tutto fintanto gli spaghetti.
Togliamo loro tutte le voglie,/ coi cappelletti, ravioli e sogliole,/ vongole, canelli, sardoni,/ li facciamo mangiare come noi.
Ci possono chiedere quello che vogliono,/ che per loro ci facciamo in due,/ che tanto da di qui,/ non vanno via senza mangiare.
Facciamo loro le tagliatelle,/ e poi insegnamo loro a mangiarle,/ e se non sanno fare il concio,/ diamo loro una mano.
Se vogliono la carne li accontentiamo,/ polli, conigli, prosciutto, salame,/ le costarelle di maiale,/ ne diamo loro finchè son pieni.
Ai turisti li trattiamo bene,/ diamo loro il nostro vino,/ il Sangiovese superiore,/ l’offriamo con tutto il cuore.
Quando hanno finito di mangiare,/ serviamo loro grappa e caffè,/ con un cicchetto di mistrà/ e un gelato a chi gli va.
Giacché a loro bisogna dare,/ sempre il massimo e il meglio,/ ma meglio di così è impossibile,/ noi in questo siamo infallibili.
