La zèinta iqué de pòst,/ i sardun lai magna aròst,/ t’na pièda bèla pina,/ ad radèć e d zvulina.
Mo dal vòlti us pò véda,/ a magnèi a scòtadéda,/ da quii ch’i n’à paura,/ da ciapè ‘na scutadura.
I sardun pjó gruslin,/ is po’ mèt int i spiédin,/ da còš sóra e’ fugòun,/ sla burniša de carbòun.
E quand ch’us vò fè prèst,/ i sardun is fà se tèst,/ i vèin mènc abrustulid,/ mo pu sèimpre sapurid.
In campagna só ti ghét,/ i sardun i magna frèt,/ e per fèi vnì pjó bòn,/ j scrèca sóra e’ limòun.
Ti risturènt rizèrchèd,/ adès i fà marinèd,/ sl’aj e parsèmul tri dèd bein,/ òglie, šèda, pivarunzèin.
Mi sardun, pès turchin,/ nun rimniš ai fém l’inchin,/ jà e’ sapòr s-cèt ad mèr,/ jè gustuš e in còsta chèr.
Ma nun d bòna bäca,/ i sardun guai ch’i si téca,/ e per chi u ne savès,/ ai prèfèrém ma tót i pés.
Ivano Aurelio Muratori
La gente qui del posto,/ i sardoni li mangia arrosto,/ in una piada bella piena,/ di radicchi e cipollina,
Ma a volte si può vedere,/ a mangiarli a scottadito,/ da quelli che non hanno paura,/ di prendere una scottatura.
I sardoni più grossini,/ si possono mettere negli spiedini,/ da cuocere sul fuocone,/ nella cenere del carbone.
E quando si vuol far presto,/ i sardoni si fanno sul testo,/ vengono meno abbrustoliti,/ ma pur sempre saporiti.
In campagna su nei ghetti,/ i sardoni li mangiano fritti,/ e per farli venire più buoni,/ ci spremono sopra il limone.
Nei ristoranti ricercati,/ adesso li danno marinati,/ con l’aglio e prezzemolo tritati bene,/ olio, aceto e peperoncino.
Ai sardoni, pesce turchino,/ noi riminesi facciamo l’inchino,/ ha il sapore schietto del mare,/ è gustoso e non costa caro.
A noi di buona bocca,/ i sardoni guai a chi ce li tocca,/ e per chi non lo sapesse,/ li preferiamo a tutti i pesci.
