In Rumagna cum ch’us sa,
tóti bèli al su zità,
bèla zèinta e bèli fazi,
bèli strèdi, bèli piazi.
Mè a ringrèzie e’ Signurèin,
ch’an sò néd a San Marèin,
sèinza e’ mèr e sèinza pòrt,
dòp tré dé a sarja mòrt.
An putria maj stè a Arzun,
ch’l’è tròp všèin ma nun,
mo zà säta me Marèn,
e tachèd mi marchigèn.
An vrja stè in quèl d Furlé,
mo gnènca per un dé,
un gn’è mai un fil d brèza,
e cla zità lam mèt tristèza.
E an vrja campè a Curièn,
du ch’i fà un bòn pèn,
supèrb l’òglie e e’ sanzvéš,
mo Curièn mu mè un mi pièš.
Céšèina, gran zità,
l’è impusèbil ch’a staga ilà,
tramèz i chèmp ad fròta,
am la vidria pròpi bróta.
Santarcanzul la è blina,
mo per mè l’è tròpa znina,
sna ‘na piaza, l’è tóta ilé,
e mè cus ch’ai vaga a fè?
Sèinza dì mèl di všèin,
che j’à ènca de bòn vèin,
e sèinza ufènd per carità,
a stag a Rémin, a stag iqua.
Ivano Aurelio Muratori
IO STO QUA
In Romagna come si sa,/ tutte belle le sue città,/bella gente e belle facce,/ belle strade e belle piazze.
Io ringrazio il Signore,/ che non sono nato a San Marino,/ senza il mare e senza porto,/ dopo tre giorni sarei morto.
Non potrei mai stare a Riccione,/ che è troppo vicino a noi,/ ma già sotto al Marano,/ e vicino ai marchigiani.
Non vorrei stare in quello di Forlì,/ e neanche per un giorno,/ non c’è mai un filo di brezza,/ e quella città mi mette tristezza.
Non vorrei vivere a Coriano,/ dove fanno del buon pane,/ superbo l’olio e il sangiovese,/ ma Coriano non mi piace.
Cesena, gran città,/ è impossibile che stia là,/ in mezzo ai campi di frutta,/ me la vedrei proprio brutta.
Santarcangelo è bellina,/ ma per me è troppo piccola,/ solo una piazza, è tutta lì,/ e io cosa ci vado a fare?
Senza dire male dei vicini,/ che hanno anche un buon vino,/ e senza offendere per carità,/ io sto a Rimini, sto qua.
