Dòp tènta sunzéza e uliva,
la mi möj lan mi durmiva,
sna magnèda èšagèrèda,
l’éra ‘rvénza custipèda.
Ènca mè per dila tóta,
am la séra vèsta bróta,
tal su stèsi cundiziòun,
a tèméva e’ s-ciupòun.
Ma tótt dó stuglèd té lèt,
cun e’ stämèg imbas-cèd,
un si vniva só e’ fiè,
sla paura da s-ciupè.
L’uliva la vèin só,
e nun an ne putém pjó,
l’è zà tré quatre dé,
ch’a magném quèla ch’ilé!
Sla sunzéza andém ad lós,
però la dà e’ riflós,
per putèla digèrì,
u jè parèć da patì.
Va bèin che l’uliva,
l’è ènca lasatìva,
mo a magnèn una padèla,
us vèin la cagarèla.
Léa la m’à dè rasòun,
scòsa zà da e’ buliròun,
ènca mu mè al budèli,
lim féva véda al stèli!
Dòp ch’èm ciap la squéza,
l’ulìva sla sunzèza,
a la magnèm pjó da rèd,
e mènc da šgulvanèd.
An l’avém ripudièda,
mo mai pjó un’abufèda,
che a la nòsta ètà,
zérti ròbi lin si fà!
Ivano Aurelio Muratori
MAI PIÙ UN’ABBUFFATA!
Dopo tanta salsiccia e oliva,/ mia moglie non mi dormiva,/ con una mangiata esagerata,/ era rimasta costipata.
Anch’io per dirla tutta,/ me l’ero vista brutta,/ nelle sue stesse condizioni,/ temevo o un accidente.
A tutti due stesi sul letto,/ con lo stomaco imbarazzato,/ non ci veniva su il fiato,/ con la paura di scoppiare.
L’oliva viene su,/ e noi non ne possiam più,/ sono già tre quattro giorni,/ che mangiamo quella lì.
Con la salsiccia andiamo di lusso,/ però dà il riflusso,/ per poterla digerire,/ c’è parecchio da patire.
Va bene che l’oliva,/ è anche lassativa,/ ma a mangiarne una padella,/ ci viene la cacarella.
Lei mi ha dato ragione,/ scossa già dal rigurgito,/ anche a me le budelle,/ mi fecevano veder le stelle.
Dopo che abbiam preso la cacarella,/ l’oliva con la salsiccia,/ la mangiamo più di rado,/ e meno da ingordi.
Non l’abbiamo ripudiata,/ ma mai più un’abbuffata,/ che alla nostra età,/ certe cose non si fanno!
