Bèla sé, la luna pina!
sa cla fàza birichina,
mo u j’ è da immazinès,
una bäca, jèćć e e’ nèš.
Sl’infézna ch’la inchènta,
las fà véda suridèinta,
e la fà bäca da bèš,
ma ch’ i vò inamurès.
La j’è cmè ‘na munèda,
sa dä fàzi, mo da véda,
ui n’è purtróp snò una:
l’è la magìa dla luna.
Granda cmè una pièda,
pèr di pjó brustighèda,
tènimòdi sèimpre bèla,
fata apòsta per guardèla.
Léa la è parèć luntèna,
un si pò slunghè la mèna,
per fè mòsa da tuchèla,
un s’à mòd da ciapèla.
Tända cmè ‘na partugala,
zérti séri las fà zala,
zérti vòlti šlavadina,
las sparès o las véd pina.
Spindulun te mèz de zél,
la fà lóm cmè un fanèl,
s’una luša che te scur,
la per quèla dl’abat jour.
La va òlta léntamèint,
cmè ‘na véla sa pòc vèint,
se pas stràc dla tartaruga,
sèinza mài ciapè la fuga.
I nuvlun ch’u jè te zél,
i la quèrz de tót s’un vél,
dré ma lór, béin mašèda,
las véd pòc e apanèda.
Pròpie bèl e’ firmaméint,
si culur blu nòta e arzèint,
du ch’la spéca cla nuvlàja,
ch’ la cór e las sparpàja.
E dal vòlti al nóvli al pèr,
cal gl’jändi èlti de mèr,
ch’lis da dré tla tèmpèsta,
sla luna ch’lai tèin tèsta.
E ilasó cumunque sia,
l’è tóta una puéšia,
scréta béin sóra e’ zél,
per lèzla bšägna guardèl.
Ivano Aurelio Muratori
ALLA LUNA
Bella sì, la luna piena!/ con quella faccia birichina,/ ma c’è da immaginarsi,/ la bocca, gli occhi e il naso.
Con l’immagine che incanta,/ si fa vedere sorridente,/ e fa bocca da baci,/ a chi vuole innamorarsi.
È come una moneta,/ con due facce, ma da vedere,/ ce n’è purtroppo solo una:/ è la magia della luna.
Grande come una piada,/ per di più bruciacchiata,/ tanto sempre bella,/ fatta apposta per guardarla.
Lei è parecchio lontana,/ non si può allungar la mano,/ctentando di toccarla,/ non si ha modo di prenderla.
Tonda come un’arancia,/ certe sere si fa gialla,/ certe volte sbiadita,/ sparisce o si vede piena.
Penzoloni nel mezzo del cielo,/ fa lume come un fanale,/ con una luce che nel buio,/ sembra quella dell’abat jour.
Va oltre lentamente,/ come una vela con poco vento,/ col passo stanco della tartaruga,/ senza mai prendere la fuga.
I nuvoloni che sono nel cielo,/ la coprono del tutto con un velo,/ dietro loro, ben nascosta,/ si vede poco e appannata.
Proprio bello il firmamento,/ coi colori blu notte e argento,/ dove spicca quella nuvolaglia,/che corre e si sparpaglia.
E a volte le nuvole sembrano,/ quelle onde alte del mare,/ che si rincorrono nella tempesta,/ con la luna a tener loro testa.
E lassù comunque sia,/ è tutta una poesia,/ scritta bene sul cielo,/ per leggerla bisogna guardarlo.
