La rimnéša l’è èlèghènta,/ las vèst béin e lan si vènta,/ e quand ch’la camèina,/ la per ‘na figurèina.
A guardéla la fà vòja,/ léa la n’è una ch’las spòja,/ la stà abutunèda,/ sóratót sla è spušèda.
Tótavi’ per dés rišèlt,/ la jà al schèrpi si tac èlt,/ las dà la cipria e e’ rusèt,/ las chéva i pil me barbèt.
La è sèimpre adubèda,/ sa qualcosa da fè véda/ brazalét, culèni, ucél,/ e al dédi pini d’anèl.
La à e’ capèl sla vèlèta,/ e un gn’amènca la bursèta,/ ad Prada o ad Vuitton,/ léa lan tò quèli d cartòun.
La valurèza sè stèsa,/ sèinza ès una pachèsa,/ ènzi l’è una mudèsta,/ ènca s’una bèla vèsta.
Ma l’infèzna léa lai bèda,/ la è sèimpre béin curèda,/ si cavél sla mèssinpiga,/ per ès ‘na supèr figa.
Léa lan fà gnènca ‘na péca,/ ènca grasa la per sèca,/ sèim pre tóta tirata,/ l’è èlèghènta e béin fata.
Ivano Aurelio Muratori
La riminese è elegante,/ si veste bene e non si vanta,/ e quando cammina,/ sembra una figurina.
A guardarla fa voglia,/ lei non è una che si spoglia,/ sta abbottonata,/ soprattutto se è sposata.
Tuttavia per darsi risalto,/ ha le scarpe coi tacchi alti,/ si dà la cipria il rossetto,/ si toglie i peli dal mento.
È sempre adobbata ,/ con qualcosa da far vedere,/ braccialetti, collane, occhiali,/ e le dita piene di anelli.
Ha il cappello con la veletta,/ e non le manca la borsetta,/ di Prada o di Vuitton,/ lei non prende quelle di cartone.
Valorizza sè stessa,/ senza essere una pachessa,/ anzi è una modesta,/ anche con una bella veste.
Alla immagine lei ci bada,/ è sempre ben curata,/ coi capelli con la messa in piega,/ per essere una super figa.
Lei non fa neanche una pecca,/ anche grassa sembra magra,/ sempre tutta tirata,/ è elegante e ben fatta.
