T’ na chèša bèla granda,
ui vò qualcun ch’ e’ cmanda,
e qualcun’ènt ch’ e’ pulèsa,
l’è ‘na règula fèsa.
La mi möj ch’l’è mèstra,
la dirèz tót l’urchèstra,
e mè ch’a sò un dutór,
a faz tót ch’jèlt lavór.
Un gn’è pjó gnint da fè,
léa la à da cmandè,
mè simbèin laurèèd,
per dirèz an sò purtèd.
Säta la su direziòun,
s’un scról d istruziòun,
a dàg e’ straz ma tèra,
a spòlvre e a dàg la zèra.
A lèv i piat, al padèli,
tighém, pgnati, scudèli,
a dàg èria, a faz i lèt,
e a pulès te gabinèt.
A faz ènca la bughèda,
la spòja, e’ sug, la pièda,
a chèv via i talaràgn,
quand ò fnì a faz e’ bagn.
Mè ai la faz a fè tótt,
mo ariv ch’ a sò distròt,
e léa la chènta e la bala,
la à vòja ad zóca zala.
L’an pò cuntè sa mè,
ch’a sò se punt da s-ciupè,
‘na vòlta ch’ò finì,
ò snò vòja da durmì.
Dòp ch’ò fat fadiga
e’ bal un gni stà miga,
mè ma léa ai pòrt rispèt,
mo al nòv a vag te lèt.
Tènimodi lal savrà,
de dirét ad parità,
e lan mi pò ublighè,
s’a sò strac, a balè.
Ivano Aurelio Muratori
LEI COMANDA E IO LAVORO
In una casa bella grande,/ ci vuole qualcuno che comandi,/ e qualcun’ altro che pulisca,/ è una regola fissa.
Mia moglie che è maestra,/ dirige tutta l’orchestra,/ io che sono un dottore,/ faccio tutti gli altri lavori.
Non c’è più niente da fare,/ lei deve comandare,/ io sebbene laureato,/ di dirigere non son portato.
Sotto la sua direzione,/con tante istruzioni,/ dò lo straccio per terra,/ spolvero e dò la cera.
Lavo i piatti, le padelle,/ tegami, pentole e scodelle,/ dò aria, faccio i letti,/ e pulisco nel gabinetto.
Faccio anche il bucato,/ la sfoglia, il sugo, la piada,/ tolgo le ragnatele,/ quando ho finito faccio il bagno.
Io ce la faccio a fare tutto,/ ma arrivo che son distrutto,/ e lei canta e balla,/ ha voglia di zucca gialla.
Non può contare su di me,/ che sono sul punto di scoppiare,/ una volta che ho finito,/ ho solo voglia di dormire.
Dopo che ho fatto fatica,/ il ballo non ci sta mica,/ io a lei la rispetto,/ ma alle nove vado nel letto.
Tanto lo saprà,/ del diritto di parità,/ e non mi può obbligare,/ se son stanco, a ballare.
