La chèša la funziòuna,/ s’la jà una padròuna,/ ch’la la tènga unida,/ e sèimpre béin pulida.
Tla chèša d’na vòlta,/ la famèja l’éra arcòlta,/ l’azdóra bòna e zéta,/ la la tnìva strèta strèta.
La tèra simbèin dura,/ lan féva per gnint paura,/ se du brazi lin bastéva,/ un sa ch’l’èlt i s’aiutéva.
L’azdóra tót e’ dé,/ la avéva e’ su da fè,/ claziòun, prèns, imbrènda,/ tra un lavór e una fazènda.
Mandè avènti la chèša,/ l’éra ‘na bèla imprèša,/ e in pjó badè i burdlin,/ al galèni, pizun, baghin.
Mo l’azdóra l’éra brèva,/ énca tl’órt la lavurèva,/ d’èltra pèrta j’òmne j’éra,/ a vanghè e sapè la tèra.
Per dà bòn ‘na sènta dòna,/ s’una fòrza dla madòna,/ la tnì va só la baraca,/ sèinza mai dì a sò straca!
La zurnèda länga e dura,/ la fniva s’una végia d’fóra,/ sl’azdóra a racuntè sturièli,/ e tnì tótt säta al su èli.
L’azdóra d’òzdé,/ la n’è pjó quèla ch’ilé,/ per lavurè la lavóra,/ tènt at chèša quant ad fóra,
mo la famèja tóta intéra,/ la la véd sultènt la séra,/ e’ tótt i stà se cèlulèr,/ a fè ugnun i su afèr.
Ivano Aurelio Muratori
La casa funziona,/ se ha una padrona,b/che la tenga unita,/ e sempre ben pulita,
Nella casa di una volta,/ la famiglia stava raccolta,/ l’azdora buona e zitta,/ la teneva stretta stretta.
La terra benché dura,/ non faceva per niente paura,/ se due braccia non bastavano,/ uno con l’altro si aiutavano.
L’azdóra tutto il giorno,/ aveva il suo da fare,/ colazione, pranzo, merenda,/ tra un lavoro e una faccenda.
Mandare avanti la casa,/ era una bella impresa,/ e in più badare i bambini,/ le galline, piccioni e maiali.
Ma l’azdóra era brava,/ anche nell’orto lavorava,/ d’altra parte gli uomini erano,/ a vangare e zappare la terra.
Per davvero una santa donna,/con una forza della madonna/ teneva su la baracca,/ senza mai dire sono stanca!
La giornata lunga e dura,/ finiva con una veglia di fuori,/ con l’azdora a raccontar storielle,/ e a tenere tutti sotto le sue ali.
L’azdora di oggi,/ non è più quella lì,/ per lavorare lavora,/ tanto in casa che fuori,
ma la famiglia tutta intera,/ la vede soltanto la sera,/ e tutti stanno sul cellulare,/ e a fare ognuno i propri affari.
