Òsta j’an ch’jè pas,
ch’a zughéva a japaches,
a sérmi un pèra ad tribù,
tènti vòlti ènca ad pjó.
Émie l’acampamèint,
per parès da e’ fred e e’ vènt,
fat ad tèndi e d’capani,
ad cartun, straz e cani.
A sérmie indièn finid,
tót nud e schèlz i pid,
s’un cap mès me cmand,
Aquila Räsa, e’ pjó grand.
Si piturèin ad zéra,
as fémie i sègn d guèra,
pèt, còl, fròunta, nèš e jäćć,
jéra pin ad scarabòć.
Sla tèsta pèni d’òca,
ad galinaz o ad ciòca,
madòs i mudandèin,
da guèrièr indièn.
Sal lènzi, scud e pugnèl,
a caza d’animèl,
lušèrtli e quèlca zuchèra,
rintanèda säta tèra.
Da e’ chemp per fè i signèl,
a brusémie di giurnèl,
ch’ i féva di fumarun,
ch’is vidèva d’Arzun.
Mašèd t un’ ènta via,
Custer sla cavalerìa,
si s-ciop cun i gumèin,
e’ térór per nun indièn.
Pjó dna vòlta, azidèint!
i s’à brušè l’acampamèint,
nun ch’a sèrmie un òs dur,
ma Custer a jèm fat bat e’cul.
Al ma’, ilé da všèin,
li s’urlèva asasèin,
smitìla sa cla guèra,
ch’a fém i cunt sta séra!
Ivano Aurelio Muratori
L’ACCAMPAMENTO INDIANO
Osta gli anni che son passati,/ che giocavo agli indiani,/ eravamo un paio di tribù,/ tante volte anche di più.
Avevamo l’accampamento,/ per ripararci dal freddo e dal vento,/ fatto di tende e capanne,/ di cartone, stracci e canne.
Eravamo degli indiani finiti,/ tutti nudi e scalzi i piedi,/ con un capo messo al comando,/ Aquila Rossa, il più grande.
Coi pitturini di cera,/ ci facevamo i segni di guerra,/ petto,colllo,fronte, naso e occhi,/ erano pieni di scarabocchi.
Sulla testa penne d’oca,/ di tacchino o di chioccia,/ addosso i mutandini,/ da guerriero indiano.
Con lance, scudi e pugnali,/ a caccia di animali,/ lucertole e qualche grillo talpa,/ rintanato sotto terra.
Dal campo per fare i segnali,/ bruciavamo i giornali,/ che facevano un fumo,/ che si vedeva da Riccione.
Nascosti in un’altra via,/ Custer con la cavalleria,/ coi fucili con i gommini,/ il terrore per noi indiani.
Più di una volta, accidenti!/ ci hanno bruciato l’accampamento,/ noi che eravamo un osso duro,/ a Custer abbiamo fatto battere il culo.
Le mamme lì vicino,/ ci urlavano assassini,/ smettetela con quella guerra,/ che facciamo i conti questa sera!
