Fè la spòja se tulér,
l’è sèinz’èltre un mis-cér,
però l’è ènca zèrt,
ch’l’è òpra d’èrt.
Per féla ui vò n’artésta,
brèva mo ènca pruvésta,
ad grèzia ad sèntimèint,
s’un fè intraprèndéint.
Ui vò una mèna giósta,
pulida, chèlda, rubósta,
dura e róvda mèj incóra,
cumè quèla dl’azdóra.
Al dédi e la furzèina,
al mes-cia òvi e farèina,
al fà un spas ch’us lavóra,
sal pèlmi dal mèni sóra.
Al chinca fòrt sa cla pala,
si culp de cul e dla spala,
lii dà drèinta a šmnè,
finch’e’ spas u s’é furmè.
Quand l’è dvèint dur,
al va al mèni sè s-ciadur,
l’il fà còr avènti e indré,
la spòja l’è fata isé!
La jà da ès tända e bèla,
stila quant un’arparèla,
séinza šbrènc, séinza buš,
pròunta isé per tènt uš.
La spòja la va pighèda,
tènti vòlti e pu tajèda,
e i surtès da la curtèla,
tajulèin e tajadèla.
Ivano Aurelio Muratori
LA SFOGLIA, OPERA D’ARTE!
Far la sfoglia sul tagliere,/ è senz’altro un mestiere,/ però è anche certo,/ che è un’opera d’arte.
Per farla ci vuol un artista,/ brava ma anche provvista,/ di grazia e sentimento,/ con un fare intraprendente.
Ci vuole una mano giusta,/ pulita, calda, robusta,/ dura e ruvida meglio ancora,/ come quella dell’azdora.
Le dita e la forchetta,/ mescolano uova e farina,/ fanno un impasto che si lavora,/ con le palme delle mani sopra.
Spingono forte su quella palla,/ con i colpi del culo e della spalla,/ ci danno dentro a smenare,/ finché l’impasto si è formato.
Quando è diventato duro,/ vanno le mani sul matterello,/ lo fanno correre avanti e indietro,/ la sfoglia è fatta così.
Deve essere tonda e bella,/ sottile quanto una riparella,/ senza squarci, senza buchi,/ pronta così per tanti usi.
La sfoglia va piegata,/ tante volte e poi tagliata,/ e sortiscono dalla coltella,/ tagliolini e tagliatella.
