La sipa la s’arcnòs,
dal còrni e me da l’òs,
la bóta fóra inciòstre,
mo la n’è miga un mòstre.
L’è un pèss particulèr,
ch’e’ stà int e’ fänd de mèr,
in maz ui n’è ‘na masa,
las pèsca ènca sla nasa.
La jà la chèrna biènca,
lésa, mègra e cunsistèinta,
e’ culisterol lan l’à,
e la è d’na buntà.
La sipa cmè tót i péss,
las fà aròst sina alès,
las fà fréta, te brudèt,
la stà béin du ch’las mèt.
Fata in ómid si bšarèl
l’è un piat écéziunèl,
l’è n’abinamèint,
ch’e’ tò via i sentimèint.
Mè stès a sò bòn da fèla,
la rizèta per nu scurdèla,
a l’ò scréta in poèšia
isé lan si bòta via.
Ui vò dla sipa znina,
sè riš e la mardulina,
pu ui si chèva vi’ la pèla,
s’al mèni sèinza scurghèla.
La sipa la va tajèda,
a listèli länghi un dèda,
ènca non tóti uguèli,
intènt bšägna magnèli.
Us fà un sufrét d’òglie e aj,
e parsèmul ch’un mènca maj,
us mèt la sipa te tighèm,
e las sfóma se tarbièn.
Pu ui si mèt un po’ d’aqua,
che sina la s’ataca,
un cucèr d’cuncèntrèd,
e i bšarèll zà šgarlèd.
La à da còš ‘na mezòra,
pu dé fòg l’as tira fora,
s’un òć ma la cutura,
che sina la dvènta dura.
Quèst, a pòs garantì mè,
l’è un magnè da rè,
per i grand, per i burdèl.
e da fèi tènt ad capèl.
Ivano Aurelio Muratori
LA SEPPIA COI PISELLI
La seppia si riconosce,/ dalle corna e dall’osso,/ schizza fuori inchiostro,/ ma ma non è mica un mostro.
È un pesce particolare,/ che sta in fondo al mare,/ in maggio ce ne sono molte,/ si pèsca anche con la nassa.
Ha la carne bianca,/ liscia, magra e consistente,/ il colesterolo non ce l’ha,/ ed è di una bontà.
La seppia come tutti pesci,/ si fa arrosto se no a lesso,/ si fa fritta, nel brodetto,/ sta bene dove si mette.
Fatta in umido coi piselli,/ è un piatto eccezionale,/ è un abbinamento che toglie i sentimenti.
Io stesso son capace di farla,/ la ricetta, per non scordarla,/ l’ho scritta in poesia,/ così non si butta via.
Ci vuole della seppia piccola,/ con riso, e merdolina,/ poi le si cava la pelle,/ con le mani senza scorticarla.
La seppia va tagliata,/ a listelle lunghe un dito,/ anche non tutte uguali,/ tanto bisogna mangiarle.
Si fa un soffritto di olio e aglio,/ e prezzemolo che non manca mai,/ si mette la seppia nel tegame,/ e si sfuma col trebbiano.
Poi ci si mette un po’ di acqua,/ che se no si attacca,/ un cucchiaio di concentrato,/ e i piselli già sgranati.
Deve cuocere una mezz’ora,/ poi dal fuoco si tira fuori,/ con un occhio alla cottura,/ che se no diventa dura.
Questo, posso garantire io,/ è un mangiare da re,/ per grandi e per bambini,/ e da farci tanto di cappello.
