La sfrómbla i l’à studièda,
per tirè una sasèda,
s’una vosca isé fòrta,
da putè causè la morta.
Pòca adata mi burdèll,
zà ch’u n’è un badarèl,
sa quèla per quant che sia,
David l’à mazè Golia.
Mo i burdèll jè di burdèl,
sèinza sfrómbla i stéva mèl,
tót quant i n’avéva una,
fata béin o ad furtuna.
Quèla sl’archèt ad fèr,
s’jèlastic tubulèr,
e’ suléin fat ad pèla,
l’éra écéziunèla.
Simbéin che i pizardùn,
tènti vòlti is gés ma nun,
la sfrómbla l’è intèrdèta,
ai gémi fas ‘na brèta!
Tót avémi in previsiòun,
da ciapè e’ scapazòun,
per la sfrómbla us féva quèst,
e dal vòlti u jéra e’ rèst.
Sla sfrómbla e i sas tla bascòza,
a sérmie prunt per la caza,
mal lušértli, mi raganaz,
mal topi, notle, botle e raz.
Sinó a fèmi e’ tirasègn,
t un bèrsaj fat ad lègn
us tiréva dal fiundèdi
uguèli mal s-ciuptèdi.
S’us sintiva a dì ahi!
us capiva che per šbaj,
u s’éra ciap ‘na tèsta,
un fataz che l’agrèsta.
Me fèrid s’u n’èra grèv,
ui si géva dai fà e’ brèv,
e nu di gnint ma la tu ma,
che las zèrca e las li dà.
E pu nun via ad vulèda,
sla sfrómbla bèin mašèda.
che se la saltéva fóra,
l’éra un brót quèrt d’óra.
Ivano Aurelio Muratori
LA FIONDA
La fionda l’hanno studiata,/ per tirare una sassata,/ con una spinta così forte,/ da poter causare la morte.
Poco adatta ai bambini,/ giacché non è un giochino,/ con quella per quanto sia,/ David ha ucciso Golia.
Ma i bambini sono dei bambini,/ senza fionda stavano male,/ tutti quanti ne avevano una,/ fatta bene o di fortuna.
Quella con l’archetto di ferro,/ con gli elastici tubolari,/ il solino fatto di pelle,/ era eccezionale.
Sebbene che i vigili,/ tante volte ci dicessero,/ la fionda è interdetta,/ dicevamo loro, fateci una berretta!
Tutti avevamo in previsione,/ di prendere lo scapaccione,/ per la fionda si faceva questo,/ e a volte c’era il resto.
Con la fionda e i sassi in tasca,/ eravamo pronti per la caccia,/ alle lucertole ai ramarri,/ ai topi, pipistrelli, rospi e uccelli.
Se no si faceva il tirasegno,/ contro un bersaglio di legno,/ si tiravano delle fiondate,/ uguali alle schioppettate.
Se si sentiva a dire ahi!/ si capiva che per sbaglio,/ si era colpita una testa,/ un fatto che dispiace.
Al ferito, se non era grave,/ si diceva dai fai il bravo,/ e non dir niente a tua mamma,/ che ci cerca e ce le dà.
E poi noi via di volata,/ con la fionda ben nascosta,/ che se saltava fuori,/ era un brutto quarto d’ora.
