La mi ma’, ‘na sartóra,
mè a m’arcòrd incóra,
ch’ la tajéva, l’imbastiva,
la scurtéva e la cušiva.
La bazilèva a infilè l’ég,
s’un òć ch’l’èra mèz zég,
e lam géva pròva té,
t’è jèćć bòn, ta i la pò fè.
La machina da cušì,
las muveva cun i pì,
chi punzèva s’ un pidèl,
un zughin ch’u n’éra mèl.
Quand che mè a putéva,
l’éra ilè ch’a spatachèva,
s’na che a sintì i su rógg,
ad cursa um tuchéva fógg.
Léa purèta la mašèva,
tót quèl che mè a ducéva,
zarniéri, èg, ganzèt,
e mè a dii duv’è t ai mèt?
La bambòza per la pròva,
la l’avéva còmpra nòva,
mè a fòrza d’ puntèi i spèl,
ai l’ò fata a brandèl.
La cušiva sè didèl,
e la géva sèinza quèl,
an savria miga fè,
e mè spèss agl’jò frighè.
La féva al finistrèli,
ch’al duvéva èss uguèli,
s’ui n’avniva una šgafa,
per mè u jéra un s-ciafa.
A zughéva si butun,
e an pèrdéva qualchèdun,
léa per zirchèi du ch’ jéra,
las stuglèva zó ma tèra.
Sla piètra pu la sgnéva,
la stòfa cla tajéva,
mo s’a la ciapéva mè,
t’è vòja a dišègnè!
I vistid de mi pòr ba’,
la jarvultéva a quà e d’ là,
e l’éra capèzie d’ fè,
un vistidin per mè.
Sa quèl mados e in tir,
andéva a dì in zir,
lam l’à cušì la mi ma’
una sartóra d’qualità.
Ivano Aurelio Muratori
MIA MAMMA, UNA SARTA
Mia mamma, una sarta,/ e io mi ricordo ancora,/ che tagliava, imbastiva,/ accorciava, e cuciva.
Tribolava per infilare l’ago,/ con un occhio mezzo cieco,/ mi diceva prova tu,/ hai gli occhi buoni, ce la puoi fare.
La macchina da cucire,/ si muoveva coi piedi,/ che spingevano s’un pedale,/ un giochino che non era male.
Quando io potevo,/ era lì che spataccavo,/ solo che a sentire i suoi urli,/ di corsa dovevo scappare.
Lei poveretta nascondeva,/ tutto quello che io vedevo,/ le cerniere, gli aghi, i gancetti,/ e io che le dicevo dove li metti?
Il manichino per la prova,/ l’aveva comprato nuovo,/ e io a forza di puntargli gli spilli,/ l’avevo fatto a brandelli.
Cuciva col ditale,/ e diceva senza quello,/ non sarei mica capace,/ e io spesso gliel’ho fregato.
Faceva le finestrelle,/ che dovevano essere uguali,/ se gliene veniva qualcuna storta,/ per me era uno schiaffo.
Giocavo coi bottoni,/ e ne perdevo sempre qualcuno,/ lei per cercarlo dov’era,/ si doveva stendere a terra.
Con la pietra segnava,/ la stoffa che tagliava,/ ma se la prendevo io,/ hai voglia a disegnare!
I vestiti del mio povero babbo,/ li rivoltava di qua e di là,/ ed era capace di fare,/ un vestitino per me.
Con quello addosso e in tiro,/ andavo a dire in giro,/ me l’ha cucito mia mamma,/ una sarta di qualità.
