Quand um vèin e’ magòun,
ch’ e’ pèsa cmè un madòun,
sóra l’alma e se còr,
a cambiè sóbti d’umór.
Am sint a crès la šmègna,
e l’è ‘na bróta ragna,
a só scuntèint ad tótt,
l’è un stè davéra brót.
Tot al ròbi lim dà dan,
lim prucura un gros afan,
a véd e’ mänd tint ad nér,
e um vèin di brót pénsiér.
S’un fós ch’l’è tròp dur,
a darìa al tistèdi té mur,
mo l’è mèj te cusèin,
èmènc isé an m’arvèin.
Um vèin da scapè via,
a ne sò sl’è pucundria,
am butaria zó te pòrt,
epù dòp sa faz da mòrt?
Ir a séra un po’ stranìd,
an stèva gnènca in pid,
sla tèsta in cunfušiòun,
sègn prèciš dla depresiòun.
Suspint da tènt timór,
a sò andè de mi dutór,
l’éra pu sna una mòsa,
per putèi dmandé checosa.
Ilé du ch’ aspitèva,
un vćèt us lamantèva,
e’ pianzéva e’ puraz,
dispèrèd pr’ un malaz.
A véda una ròba isé,
a pianzéva ènca mè,
tènt da dii: dai tirèv só,
me d tumór a n’ò ‘vù dó.
S’am vidí ch’a só iqué in pì,
l’è perché am sò guarì,
an sint pjó nisun mèl,
de dutór, a vèng per salutèl.
L’ éra tóta ‘na bušia,
per cunsulèl, per amnì via,
dòp ch’ò vést ma ló,
la dèprèsiòn an la sint pjò.
L’è tótt òz ch’ a pèns ma quèl,
e am dèg sé che quji j’è mèl,
e adès a sò cunvint,
che la dèprèsiòun la n’è gnint.
Ivano Aurelio Muratori
LA DEPRESSIONE NON È NIENTE!
Quando mi viene l’ambascia,/ che pesa come un mattone,/ sull’anima e sul
cuore,/ cambio subito d’umore.
Mi sento crescere l’ansia,/ ed è una brutta rogna,/ sono scontento di tutto,/ è uno stare davvero brutto.
Tutte le cose mi danno fastidio,/ mi procurano un grosso affanno,/ vedo il mondo tinto di nero,/ e mi vengono dei brutti pensieri.
Se non fosse che è troppo duro,/ darei le testate nel muro,/ ma è meglio nel cuscino,/ almeno così non mi rovino.
Mi viene da scappar via,/ non so se è malinconia,/ mi butterei giù nel porto,/ e poi dopo cosa faccio da morto?
Ieri ero un po’ strano,/ non stavo neanche in piedi,/ con la testa in confusione/ segno preciso della depressione.
Sospinto da tanto timore,/ sono andato dal mio dottore,/ era poi solo una mossa,/ per potergli chiedere qualcosa.
Lì dove aspettavo,/ un vecchietto,si lamentava,/ piangeva il poveraccio,/ disperato per un malaccio.
A vedere una cosa così,/ piangevo anch’io,/ tanto da dirgli: dai tiratevi su,/ che io di tumori ne ho avuti due.
Se mi vedete qui in piedi,/ è perché mi son guarito,/ non sento più nessun male,/ dal dottore vengo per salutarlo.
Era tutta una bugia,/ per consolarlo per venir via,/ dopo che ho visto lui,/ la depressione non la sento più.
È tutt’oggi che penso a quello,/ e mi dico sì che quelli son mali,/ e adesso son convinto,/ che la depressione non è niente!
