Mòlt tèimp fà la claziòun,
a la fémie sè lat bòn,
na imbucèd da la zèntrèla.
l’arvéva tla gamèla.
Us buliva te tighèm,
zinc minut pièn pièn,
sinènt che féva la tèla,
e pu zó int la scudèla.
E’ pèn dur mès ilé drèinta,
e’ dvantèva pulèinta,
us bivéva un scról d’lat,
finché un s’éra sfat.
Ènca un pèz ad pièda,
te lat béin bagnèda,
l’era asà per claziòun,
eltreché e’ panitòun.
Te lat ‘na masa d zèinta,
lai bagnèva la pulèinta,
che per la bäca l’éra
mèj dla crèma pasticèra.
Qualchedun l’éra pu bòn,
da fès fè un zabajuòun,
o un òv šbatud tla scudèla,
s’una fèta ad zambèla.
‘Na fèta d’pèn brustighèda,
sa sóra bór e marmèlèda,
i la magnèva i luvaciun,
e qualche vòlta ènca nun.
E’ cafè tla cafitiéra,
tènti vòlti miga u j’èra,
l’èra guaši sèimpre pina,
ad cafè fat sla Vèchina.
Ivano Aurelio Muratori
LA COLAZIONE DI UNA VOLTA
Molto tempo fa la colazione,/ la facevamo col latte buono,/ non imbottigliato dalla centrale,/ arrivava nella gamella.
Si bolliva nel tegame,/ cinque minuti e piano piano,/ finché faceva la tela,/ e poi giù nella scodella.
Il pane duro messo lì dentro,/ diventava polenta,/ si beveva tanto latte,/ fin che si era disfatto.
Anche un pezzo di piada,/ nel latte, ben bagnata,/ era abbastanza per colazione,/ altroché il panettone.
Nel latte tanta gente,/ ci bagnava la polenta,/ che per la bocca era,/ meglio della crema pasticcera.
Qualcuno era capace,/ di farsi fare uno zabaglione,/ o un uovo sbattuto nella scodella,/ con una fetta di ciambella.
Una fetta di pane abbrustolito,/ con sopra burro e marmellata,/ la mangiavano i golosi,/ e qualche volta anche noi.
Il caffè nella caffettiera,/ tante volte mica c’era,/ era quasi sempre piena,/ di quello fatto con la Vecchina.
