A Rémin us véd l’alvèda,
da e’ mèr dóp la palèda,
quand e’ sól da sud èst,
e’ sòrz la matèina prèst.
E’ camèina lèint te zél,
e’ pasa sóra e’ Grand Hotèl,
a mezdé a pèc sla zità,
pu e’ zira e via che va.
A tré quèrt dla zurnèda,
e’ cminza la calèda,
e’ va òlta la culèina,
sa dré al spali la marèina.
Ló e’ staca a ‘na zért óra,
cume tótt quii ch’i lavóra,
l’à bšägn d’arpunsès,
l’à fat isé fin’adès.
Us ritira palid e strac,
e’ cala drèinta un sac,
dòp e’ bèš dla bonanòta,
e’ sparès tót t ‘na bòta.
Sèinza d ló us fà scur,
i sparès tótt i culur,
mo u s’azènd per furtuna,
tènt al stèli quant la luna.
Al pasa isé al zurnèdi,
e’ pèr ch’al sia stampèdi,
ir prèciš ma òz e dmèn,
us va avènti pièn pièn.
Ch’ui sia dòp dla calèda,
sèimpre un’ènta alvèda,
u n’è cèr, l’è tót da véda,
prighè e avè féda.
Zà che e’ sól sinènt iqué,
l’è andè avènti dé per dé,
isé ògni matèina,
l’è bèl védle sòrz a marèina.
Mo us pò dè una frighèda,
s’un si prèsènta ma l’avèda,
us täca stè se còr suspéš,
finché un si véd arzèš.
Ivano Aurelio Muratori
LA CALATA
A Rimini si vede la levata,/ dal mare dopo la palata,/ quando il sole da sud est,/ sorge la mattina presto.
Cammina lento nel cielo,/ passa sopra al Grand Hotel,/ a mezzogiorno a picco sulla città,/ poi gira e via che va.
A tre quarti della giornata,/ comincia la calata,/ va oltre la collina,/ con dietro le spalle la marina.
Lui stacca a una cert’ora,/ come tutti quelli che lavorano,/ ha bisogno di riposarsi,/ ha fatto così fin’adesso.
Si ritira pallido e stanco,/ cala dentro a un sacco,/ dopo il bacio della buonanotte,/ sparisce tutto di colpo.
Senza di lui si fa buio,/ spariscono tutti i colori,/ ma si accendono per fortuna,/ tanto le stelle che la luna.
Passano così le giornate,/ sembra che siano stampate,/ ieri preciso ad oggi e a domani,/ si va avanti pian piano.
Che ci sia dopo la calata,/ sempre un’altra levata,/ non è sicuro e tutto da vedere,/ pregare e aver fede.
Già che il sole fin qui,/ è andato avanti giorno per giorno,/ così ogni mattina,/ è bello vederlo sorgere a marina.
Ma ci può dare una fregata,/ se non si presenta alla levata,/ ci tocca stare col cuore sospeso,/ finché non si vede riacceso.
