La biciclèta, cmè ch’i diš,
u l’à invèntè Karl von Dreis,
un tédèsch, un baròun,
capèzie ad tènta invènziòun.
U l’à ciamèda draisina,
l’éra ad lègn e piutòst znina,
la n’avéva i pidèl,
e più adata mi burdèl.
Òz la è la biciclèta,
una machina perfèta,
la s mòv cun e’ sistéma,
pidél, pignóun, cadéna.
Tótt muntéd sóra un tlèr,
fat in lèga o d’azèr,
sa dó ròdi e i parafang,
e e’ manóbrie fat a mang.
Dutèda d’una sèla,
ad sòla o finta pèla,
du ch’us stà da sdè,
quand u s’à da pidalè.
Un mèz d’ lucumuziòun,
per la dòna e per l’òm,
adata pr’andè a spas,
lan fà né fóm e né gas.
Mèj ad qualsiasi mutór,
u la racmanda ènca e’ dutór,
la téin al gambi in muvimèint,
a schèns d’un azidèint.
Per fè al cursi s’al strèdi,
al vèin elaburèdi,
e sa quèli i curidur,
i va pjó fòrt di mutur.
Al biciclèti ch’i fà òz,
al va com un arlòz,
agl’jè pròpie bèinfati,
al còsta cmè ‘na Maserati.
E’ stèt pèrò e’ dà un aiut,
l’intèrvèin s’un cuntribut,
e’ ménim ch’e’ pòsa fè,
un pò dì sna pidalè.
La biciclèta l’è un lós,
ènc si la bòta te fòs,
per essa i pjó sburun,
jè dispòst a spènd migliun.
Cumunque sèimpre ambida,
it la frèga ènca ruznida,
quand che pu la è bèla,
un gn’è vèrs da salvèla.
Ivano Aurelio Muratori
LA BICICLETTA
La bicicletta, come dicono,/ l’ha inventata Karl von Dreis,/ un tedesco, un barone,/ capace di tanta invenzione.
L’ha chiamata draisina,/ era di legno e piuttosto piccola,/ non aveva i pedali,/ e più adatta ai bambini.
Oggi è la bicicletta,/ una macchina perfetta,/ si muove col sistema,/ pedale, pignone, catena.
Tutto montato su di un telaio,/ fatto in lega o d’acciaio,/con due ruote e i parafanghi,/ e il manubrio fatto a manico.
Dotata di una sella,/ di suola o finta pelle,/ dove si sta seduti,/ quando si deve pedalare.
Un mezzo di locomozione,/ per l’uomo e per la donna,/ adatta per andare a spasso,/ non fa né fumo né gas.
Meglio di qualsiasi motore,/ la raccomanda anche il dottore,/ tiene le gambe in movimento,/ a scanso di un accidente.
Per fare le corse sulle strade,/ vengono elaborate,/ e con quelle i corridori,/ vanno più forte dei motori.
Le biciclette che fanno oggi,/ vanno come un orologio,/ sono proprio ben fatte,/ costano come una Maserati.
Lo stato però dà un aiuto,/ interviene con un contributo,/ il minimo che possa fare,/ non può dire solo pedalate.
La bicicletta è un lusso,/ anche se la buttano nel fosso,/ per essa i più sboroni,/ sono disposti a spendere milioni.
Comunque sempre ambita,/ te la fregano anche arrugginita,/ quando poi è bella,/ non c’è verso di salvarla.
